மதுரை: வீரபாண்டிய கட்டபொம்மனின் 225-வது நினைவு தினமான இன்று (அக்.16) மதுரை பெரியார் பேருந்து நிலையம் அருகே உள்ள அவரது சிலைக்கு மதுரை ஆதீனம் மாலை அணிவித்து மரியாதை செலுத்தினார்.
அப்போது அவர் நிருபர்களிடம் கூறியதாவது:- சுதந்திர போராட்ட தியாகிகளை இன்றைய தலைமுறையினர் நினைவு கூர்ந்து மரியாதை செலுத்த வேண்டும். சுதந்திரப் போராட்ட தியாகிகளை நினைவு கூற அரசு நடவடிக்கை எடுக்க வேண்டும்.
மதுரை ஆதினம் சார்பில் சுதந்திர போராட்ட தியாகிகளுக்கு உரிய மரியாதையை தொடர்ந்து வழங்கி வருகிறேன். அவர்கள் இல்லையென்றால் நான் இன்று இங்கு இருந்திருக்க மாட்டேன்.
தமிழகத்தில் இன்று பருவமழை பெய்யாததற்குக் காரணம் இளைஞர்களிடம் பக்தி இல்லாமைதான். கோவில் நிலங்களில் குத்தகைதாரர்கள் முறையாக வாடகை செலுத்துவதில்லை. இவ்வாறு அவர் கூறினார்.
இதையடுத்து நடிகர் விஜய் குறித்து செய்தியாளர்கள் எழுப்பிய கேள்விகளுக்கு பதில் அளிக்காமல் ஆதீனம் உடனடியாக அங்கிருந்து நகர்ந்தார்.
