புதுடெல்லி: சமாஜ்வாதி கட்சி எம்.பி., ஆர்.கே.செளத்ரி, லோக்சபா சபாநாயகருக்கு எழுதியுள்ள கடிதத்தில், ”பிரதிநிதிகள் சபையில், சபாநாயகர் இருக்கைக்கு அருகில் வைக்கப்பட்டுள்ள செங்கோலை அகற்ற வேண்டும்.
பாராளுமன்றம் ஜனநாயகத்தின் கோவில், அரசன் அல்லது இளவரசனின் அரண்மனை அல்ல. ஒரு செங்கோல் முடியாட்சி அல்லது ஏகாதிபத்தியத்தின் சின்னமாகும்.
எனவே, அந்த செங்கோலை அகற்றி, அதற்கு பதிலாக இந்திய அரசியலமைப்புச் சட்டத்தை வைக்க வேண்டும்.
இதற்கு பா.ஜ.க. கடும் எதிர்ப்பு தெரிவித்தது. இது குறித்து ஷெஹ்சாத் பூனவல்லா கூறும்போது, “இந்திய கலாச்சாரத்தை இழிவுபடுத்த சமாஜ்வாதி கட்சி ஒருபோதும் தயங்கியதில்லை.
தமிழகத்தை அவமதிக்கும் செங்கோலை நாடாளுமன்றத்தில் இருந்து அகற்ற வேண்டும் என்கிறார்கள். மேலும், தமிழகத்தின் செங்கோலை இழிவுபடுத்துவதை திமுகவும், அதன் தலைவர் மு.க.ஸ்டாலினும் ஏற்றுக் கொள்வார்களா?
தமிழகத்திற்கு உரிய மரியாதை கிடைத்து வருகிறது. ஆனால் சமாஜ்வாதி கட்சி இதற்கு எதிர்ப்பு தெரிவித்து வருகிறது. அவர்கள் வெளிப்படையாக தமிழ் மற்றும் இந்திய கலாச்சாரத்தை அவமதிக்கிறார்கள்,” என்று அவர் கூறினார்.
இந்நிலையில், செங்கோலை அகற்றக் கோரிய சமாஜ்வாதி எம்பி ஆர்.கே.சௌத்திரியின் கோரிக்கையை நிராகரிக்கக் கோரி சபாநாயகரிடம் பா.ஜ.க. எம்.பி.க்கள் முறையிட்டனர்.
அதன் அடிப்படையில் அந்தக் கோரிக்கை நிராகரிக்கப்படுவதாக சபாநாயகர் பா.ஜ.க. எம்.பி.க்களிடம் தெரிவித்துள்ளதாகத் தெரிவிக்கப்படுகிறது.
