சென்னை: பார்க்கிங் படத்தின் இயக்குனருடன் அடுத்த படத்தில் இணைகிறார் சிவகார்த்திகேயன் என்று தகவல்கள் வெளியாகி உள்ளது.
இயக்குநர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் ‘அமரன்’. கமல்ஹாசனின் ராஜ்கமல் புரொடக்ஷன் தயாரிக்கும் இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார்.
ஜி.வி.பிரகாஷ் குமார் இப்படத்திற்கு இசையமைத்துள்ளார். புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோரும் முக்கிய கதாபாத்திரங்களில் நடித்துள்ளனர்.
திரைப்படம் வரும் 31 ஆம் தேதி வெளியாகவுள்ளது. தொடர்ந்து சிவகார்த்திகேயன் இயக்குனர் முருகதாஸ் இயக்கும் திரைப்படத்தில் நடித்து வருகிறார். இந்நிலையில் அடுத்ததாக ஹரிஷ் கல்யாண் நடிப்பில் வெளிவந்து நல்ல வரவேற்பை பெற்ற பார்க்கிங் திரைப்படத்தை இயக்கிய ராம்குமார் பாலகிருஷ்ணனுடன் இணைந்து படம் நடிக்கவுள்ளதாக தகவல் வெளியாகியுள்ளது.
இப்படத்தை மாவீரன் திரைப்படத்தை இயக்கிய சாந்தி டாக்கீஸ் தயாரிக்கவுள்ளதாகவும் செய்திகள் பரவி வருகின்றனர். இதுக்குறித்த அதிகாரப்பூர்வ தகவல் விரைவில் வெளியாகும் என எதிர்ப்பார்க்கப்படுகிறது.
