விஜய்யின் தமிழக வெற்றிக்கழகம் கட்சியின் மாநாடு தற்போது தமிழ்நாடு முழுவதும் ஹாட் டாபிக்காக உள்ளது. கடந்த சில ஆண்டுகளாகவே விஜய் அரசியலில் களமிறங்க இருக்கின்றார் என்ற பேச்சு போய்க்கொண்டிருந்தது. என்னதான் விஜய் அரசியலில் வருவது உறுதியானாலும் எப்போது வருவார் என்பது கேள்விக்குறியாகவே இருந்தது.
இந்த சமயத்தில் தான் கடந்த பிப்ரவரி மாதம் விஜய் தன் அரசியல் என்ட்ரியை உறுதிப்படுத்தினார். தமிழக வெற்றிக்கழகம் என்ற கட்சியை அதிகாரபூர்வமாக அறிவித்தார் விஜய். ஆனால், இந்த சந்தோஷத்தை விஜய் ரசிகர்களால் முழுவதுமாக அனுபவிக்க முடியவில்லை. ஏனென்றால், விஜய் சினிமாவை விட்டு விலகி முழு நேர அரசியலில் ஈடுபட இருப்பதாக தெரிவித்தார்.
இதுதான் விஜய் ரசிகர்களை மிகப்பெரிய அதிர்ச்சியிலும் ஏமாற்றத்திலும் ஆழ்த்தியிருக்கிறது. இந்நிலையில் விஜயின் தமிழக வெற்றிக்கழகத்தின் முதல் மாநாடு நாளை விக்கிரவாண்டியில் நடைபெற உள்ளது. இதற்கான ஏற்பாடுகள் தீவிரமாக நடைபெற்று வருகின்றன. ஒருபக்கம் விஜய் தளபதி 69 படப்பிடிப்பில் பிசியாக இருக்கிறது, மறுபக்கம் அரசியல் வேலைகளிலும் பிசியாக இருக்கிறார்.
இதையடுத்து, விஜய்யின் தமிழக வெற்றிக்கழக மாநாட்டைப் பற்றி பலர் தங்களின் கருத்துக்களை கூறி வருகின்றனர். அந்த வகையில், விஜய்யின் அரசியல் மாநாட்டை பற்றி நடிகர் விஷால் சமீபத்தில் பேசியிருக்கிறார்.
சில நாட்களுக்கு முன்பு விஜய்யின் மாநாட்டிற்கு செல்வேன் என கூறிய விஷால், தற்போது மாநாட்டிற்கு செல்லவில்லை என தெரிவித்துள்ளார். மேலும், அரசியலை பொறுத்தவரை, விஜயகாந்திற்கு பிறகு விஜய்க்கு தான் எதிர்பார்ப்பு இருக்கின்றது என்றும் கூறினார். இந்நிலையில், விஷாலின் இந்த கருத்திற்கு பிறகு, தமிழக வெற்றிக்கழகத்தின் மாநாட்டிற்கு திரைத்துறையில் இருந்து யார் யார் கலந்துகொள்வார்கள் என்ற கேள்வி எழுந்துள்ளது.
மாநாட்டிற்கு செல்வேன் என கூறிவந்த விஷால், தற்போது செல்லவில்லை என கூறிவிட்டார். இதனைத் தொடர்ந்து, எந்தெந்த நடிகர்களுக்கு மாநாட்டில் கலந்துகொள்ள அழைப்பு வந்துள்ளது, எந்தெந்த நடிகர்கள் வருவார்கள் என்பதற்கான பல கேள்விகள் ரசிகர்கள் மத்தியில் இருந்து வருகின்றன. மேலும், இந்த மாநாடு வெற்றிகரமாக நடைபெற்று முடியவேண்டும் என்பது தான் கோடானகோடி விஜய் ரசிகர்களின் வேண்டுதலாக உள்ளது. என்னிருந்தாலும், இந்த மாநாடு தமிழகத்தில் மிகப்பெரிய தாக்கத்தை உண்டாக்கும் என்பது உறுதியாக சொல்லப்படுகின்றது.
