வாஷிங்டன்: அமெரிக்காவின் போயிங் நிறுவனம், நாசா விண்வெளி மையத்துடன் இணைந்து ஸ்டார்லைனர் என்ற விண்கலத்தை உருவாக்கி வருகிறது. சுனிதா வில்லியம்ஸ் புதிய விண்கலத்தை பயணம் செய்து தரச் சான்று அளிக்கும் பொறுப்பு வழங்கும் பணியை மேற்கொண்டார்.
இதன்படி ஜூன் 5-ம் தேதி போயிங் ஸ்டார்லைனர் விண்கலத்தில் சர்வதேச விண்வெளி நிலையத்துக்கு 8 நாள் பயணமாக சுனிதா சென்றார். ஸ்டார்லைனர் விண்கலத்தில் ஏற்பட்ட தொழில்நுட்ப கோளாறு காரணமாக கடந்த சில மாதங்களாக சுனிதா சர்வதேச விண்வெளி நிலையத்தில் தங்கியுள்ளார். அடுத்த ஆண்டு பிப்ரவரியில் ஸ்பேஸ் எக்ஸ் விண்கலம் மூலம் சுனிதாவை பூமிக்கு கொண்டு வர திட்டமிடப்பட்டுள்ளது.
இந்நிலையில், இந்திய வம்சாவளியைச் சேர்ந்த சுனிதா வில்லியம்ஸ் வெளியிட்டுள்ள வீடியோவில் கூறியிருப்பதாவது:- அமெரிக்க அதிபர் மாளிகையிலும், உலகம் முழுவதும் தீபாவளி கொண்டாடும் அனைவருக்கும் எனது வாழ்த்துகளைத் தெரிவித்துக் கொள்கிறேன். இந்த ஆண்டு முதல் தீபாவளி கொண்டாடும் அரிய வாய்ப்பு கிடைத்தது. பூமியிலிருந்து 260 மைல் தொலைவில். சுனிதா வில்லியம்ஸ் தீபாவளி உள்ளிட்ட இந்தியப் பண்டிகைகளைப் பற்றி எனது தந்தை எனக்குக் கற்றுக் கொடுத்துள்ளார்.
அவர் என்னை இந்திய கலாச்சாரத்துடன் நெருக்கமாக வைத்திருந்தார். நன்மை தீமைகளை வென்ற நாளாக தீபாவளியைக் கொண்டாடுகிறோம். இது ஒரு கொண்டாட்டத்தின் தருணம். இவ்வாறு சுனிதா வில்லியம்ஸ் கூறியுள்ளார்.
வெள்ளை மாளிகையில் தீபாவளி கடந்த திங்கட்கிழமை அமெரிக்க அதிபரின் இல்லமான வெள்ளை மாளிகையில் தீபாவளி கொண்டாடப்பட்டது. இதில் 600 இந்திய-அமெரிக்கர்கள் கலந்து கொண்டனர். இந்நிகழ்ச்சியில் அதிபர் ஜோ பைடன் பேசினார்.
இந்திய வம்சாவளியை சேர்ந்த துணை ஜனாதிபதி கமலா ஹாரிஸ், ஜனாதிபதி தேர்தல் பிரசாரத்தில் தீவிரம் காட்டி வருகிறார். தீபாவளி கொண்டாட்டத்தில் பங்கேற்க முடியவில்லை. அமெரிக்காவின் வளர்ச்சியில் இந்தியர்கள் முக்கிய பங்கு வகிக்கின்றனர். இதனால் தான் வெள்ளை மாளிகையில் தீபாவளி கொண்டாடப்படுகிறது.
