சென்னை: தமிழக சமூக நலம் மற்றும் மகளிர் உரிமைகள் துறை அமைச்சர் கீதா ஜீவன் வெளியிட்ட அறிக்கை:- தமிழகத்தில் தான் பெண்கள் அதிகம் படித்தவர்களாகவும், வேலை வாய்ப்பில் இருப்பவர்களாகவும், தன்னிறைவு பெற்றவர்களாகவும் உள்ளனர். இந்தியாவில் உற்பத்தித் துறையில் உள்ள பெண்களில் கிட்டத்தட்ட பாதி பேர் – அதாவது 43% – தமிழ்நாட்டில் வேலை செய்கிறார்கள்.
தமிழகத்தில் மொத்தம் 241 அனைத்து மகளிர் காவல் நிலையங்கள், 32 கடத்தல் தடுப்பு பிரிவுகள், 7 விசாரணை பிரிவுகள், 43 குழந்தைகள் கடத்தல் தடுப்பு பிரிவுகள் மற்றும் 39 சிறப்பு சிறார் காவல் பிரிவுகள் செயல்பட்டு வருகின்றன. பெண்கள் மற்றும் குழந்தைகளுக்கு எதிரான குற்றங்களை தடுக்க மாநில அளவில் தடுப்பு பிரிவு ஏற்படுத்தப்பட்டு, கூடுதல் காவல்துறை இயக்குனர் தலைமையில் இப்பிரிவு செயல்பட்டு வருகிறது.
அதேபோல், பள்ளி மாணவர்களுக்கு, ‘திட்ட பள்ளி’ திட்டம் மற்றும் ‘இமைகள் திட்டம்’ மூலம், விழிப்புணர்வு ஏற்படுத்தி, விரைவான நீதியை வழங்க, அரசு செயல்படுகிறது. 2022-ம் ஆண்டில் தேசிய குற்ற ஆவணக் காப்பகம் வெளியிட்டுள்ள சமீபத்திய அறிக்கையின்படி, நாட்டில் பெண்களுக்கு எதிரான குற்ற வழக்குகளின் எண்ணிக்கை, நாட்டில் ஒரு லட்சம் மக்கள்தொகைக்கு 65 ஆக இருந்த நிலையில், தமிழகத்தில் 24 ஆகக் குறைந்துள்ளது.
பாலியல் வன்கொடுமை வழக்குகளின் தேசிய சராசரி தமிழ்நாட்டில் 4.6 மற்றும் 0.7 ஆக உள்ளது. பெண்கள் மற்றும் குழந்தைகளுக்கு எதிரான வன்முறைகளை இந்த அரசு பொறுத்துக் கொள்ளாது. அதனால் இந்தியாவிலேயே பெண்கள் பாதுகாப்பாக இருக்கும் மாநிலங்களில் தமிழகம் முன்னணியில் உள்ளது. இவ்வாறு அதில் கூறப்பட்டுள்ளது.
