இந்திய அணி ஜிம்பாப்வேயில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடி வருகிறது. இரு அணிகள் மோதும் முதல் டி20 போட்டி இன்று மாலை 4.30 மணிக்கு நடக்கிறது. இப்போட்டி ஹராரேயில் நடக்கிறது. இந்த தொடருக்கான இந்திய அணியின் கேப்டனாக சப்மான் கில் நியமிக்கப்பட்டுள்ளார். இந்த தொடரில் சஞ்சு சாம்சன், யஷஸ்வி ஜெய்ஸ்வால் மற்றும் ஷிவம் துபே ஆகியோர் இடம்பெற்றுள்ளனர். ஆனால், இவர்கள் மூவரும் டி20 உலக கோப்பை தொடருக்கான இந்திய அணியில் சேர்க்கப்பட்டு நேற்று முன்தினம் கோப்பையுடன் தாயகம் திரும்பினர்.
அவர்கள் நாடு திரும்புவதற்கு முன்பு அவர்களுக்கு பதிலாக சாய் சுதர்சன், ஜிதேஷ் சர்மா மற்றும் ஹர்ஷித் ராணா ஆகியோர் சேர்க்கப்பட்டனர். அதுவும் முதல் 2 டி20 போட்டிகளுக்கு மட்டுமே தகுதி பெற்றுள்ளது. அதன்பிறகு சஞ்சு சாம்சன், ஷிவம் துபே, யஷஷ்வி ஜெய்ஸ்வால் ஆகியோர் எஞ்சிய 3 போட்டிகளிலும் களமிறங்குவார்கள். இந்நிலையில்தான் நேற்று முன்தினம் நாடு திரும்பிய இந்திய அணி வீரர்கள், சஞ்சு சாம்சன், யஷஸ்வி ஜெய்ஸ்வால், ஷிவம் துபே ஆகியோர் விரைவில் ஜிம்பாப்வே செல்ல உள்ளனர்.
இந்நிலையில் இன்று தொடங்கும் முதல் டி20 போட்டியில் இந்திய அணியில் தொடக்க ஆட்டக்காரர்களாக சுப்மான் கில் மற்றும் அபிஷேக் சர்மா களமிறங்குவார்கள் என்றும், 3வது வரிசையில் ருதுராஜ் கெய்க்வாட் களமிறங்குவார் என்றும் தகவல் வெளியாகியுள்ளது. இதற்கு முன் இரு அணிகள் மோதிய 8 போட்டிகளில் 6ல் இந்திய அணி வெற்றி பெற்றது. அதேபோல் ஜிம்பாப்வே அணி 2 போட்டிகளில் வெற்றி பெற்றது. 2022ல் கடைசி டி20யில் இந்தியா 186 ரன்கள் எடுத்தது. ஜிம்பாப்வே 115 ரன்கள் மட்டுமே எடுத்து 71 ரன்கள் வித்தியாசத்தில் தோல்வியடைந்தது.
