இந்திய வானிலை ஆய்வுத் துறை (IMD) துல்லியமான வானிலை முன்னறிவிப்புகளை வழங்கும் நோக்கில் தனது கண்காணிப்பு வலையமைப்பை மேம்படுத்த புதிய திட்டங்களை அறிவித்துள்ளது. அடுத்த இரண்டு ஆண்டுகளில், வானிலை முன்னறிவிப்பு துல்லியத்தை 10 முதல் 15 சதவீதம் வரை மேம்படுத்த திட்டமிடப்பட்டுள்ளது.
ஐ.எம்.டி-யின் 150-வது ஆண்டு தொடக்க நாளில் வெளியிடப்பட்ட தொலைநோக்கு ஆவணத்தில், 2047-ஆம் ஆண்டு வரையில் இந்தியா முழுவதும் 1.50 லட்சம் தானியங்கி வானிலை கண்காணிப்பு நிலையங்களை நிறுவ திட்டம் எடுக்கப்பட்டுள்ளது. இந்த நிலையங்கள், அடுத்தடுத்து வரவிருக்கும் மாறிவரும் வானிலை மாற்றங்களை முன்கூட்டியே கண்காணிக்க உதவும்.
ஐ.எம்.டி இயக்குநர் மிருத்யுஞ்ஜெய் மொஹபத்ரா கூறியதாவது, “மாறிவரும் தொழில்நுட்பங்களை தகுந்தவாறு இணைத்து, புதிய கண்காணிப்பு வலையமைப்புகளை உருவாக்கி, வானிலை முன்னறிவிப்புகளை மேலும் துல்லியமாகச் செய்யப்படும்.”
இந்த திட்டத்தின் மூலம், வடகிழக்கு மற்றும் கடற்கரைகளில் 8 வானிலை கோபுரங்கள், 110 அதிவேக காற்றின் வேகக் கண்காணிப்பு கருவிகள், மற்றும் 6 பிராந்திய வானிலை மையங்களில் தானியங்கி கண்காணிப்பு நிலையங்களை நிறுவப்படும்.
மேலும், செயற்கை நுண்ணறிவு (AI) மற்றும் இயந்திர கற்றல் (Machine Learning) அடிப்படையில் 150 மேம்பட்ட சென்சார்கள் கொண்ட தானியங்கி வானிலை நிலையங்கள் அமைக்கப்படவுள்ளன. இந்த நிலையங்கள், குறைந்த மின்சாரத்தில் அல்லது சூரிய சக்தி மூலம் இயங்குவதன் மூலம், தொலைபாலான மற்றும் அணுக முடியாத இடங்களில் தரவை பெறுவதற்கு உதவும்.
இந்த புதிய திட்டங்களின் மூலம், இந்திய வானிலை ஆய்வுத் துறை, கடல், நிலப்பரப்பு, வளிமண்டலம் மற்றும் விண்வெளி அமைப்புகளை உள்ளடக்கிய பூமி அறிவியலின் கட்டமைப்பில் மிகவும் துல்லியமான மற்றும் நம்பகமான வானிலை முன்னறிவிப்புகளை வழங்க முடியும்.
எதிர்கால திட்டங்கள்:
- 6 புதிய ஆய்வகங்கள் உருவாக்கப்பட உள்ளன.
- சூரிய சக்தி மற்றும் காற்றாலை சக்தி மூலம் இயக்கப்படும் ஆய்வகங்கள் நிறுவப்படும்.
- தானியங்கி வானிலை கண்காணிப்பு வசதிகளை மேம்படுத்துவதே திட்டத்தின் நோக்கம்.
இந்த முயற்சிகள், இந்திய வானிலை ஆய்வுத் துறையை மேலும் முன்னேற்றிக்கொண்டு, உலகளாவிய வானிலை கண்காணிப்புகளில் முக்கிய பங்கு வகிக்கச் செய்யும்.
