சென்னை: போலி அழைப்புகள் மூலம் சைபர் கிரைம் குற்றங்களை தடுக்க மொபைல் செயலி மற்றும் 2.7 லட்சம் கிராமங்களை இணைக்கும் தேசிய இணைய சேவை 2.0 திட்டத்தை மத்திய தகவல் மற்றும் தொடர்புத்துறை அமைச்சர் ஜோதிராதித்ய சிந்தியா தொடங்கி வைத்தார். மத்திய தகவல் மற்றும் தகவல் தொடர்பு அமைச்சகம் சார்பில் இணைய குற்றங்களை தடுக்கும் வகையில் தேசிய இணைய சேவை 2.0 மற்றும் ‘சஞ்சார் சாதி’ மொபைல் செயலியை அமைச்சர் ஜோதிராதித்ய சிந்தியா நேற்று டெல்லியில் தொடங்கி வைத்தார்.
இந்த திட்டங்களுக்கான துவக்க விழா சென்னை எழும்பூரில் நேற்று நடக்கிறது. இதில் தமிழ்நாடு உரிமம் வழங்கும் சேவைப் பகுதி (எல்எஸ்ஏ) கூடுதல் முதன்மை இயக்குநர் ஷியாம் சுந்தர் சந்தக், துணை முதன்மை இயக்குநர் எம்.சந்திரசேகர், இயக்குநர் ஸ்ரீகாந்த் உள்ளிட்டோர் பங்கேற்றனர். அப்போது, அவர்கள் நிருபர்களிடம் கூறியதாவது:- செல்லிடப்பேசிகளில் வரும் போலி அழைப்புகளின் விவரங்களை இந்த ஆப்பில் பதிவு செய்து, அந்த மொபைல் போன் எண் தொடர்பான புகார்கள் அனைத்தும், சம்பந்தப்பட்ட ஆப்பரேட்டர்களுக்கு அனுப்பி, உடனடி நடவடிக்கை எடுக்கப்படும்.
மேலும், நம் பெயர் மற்றும் ஆவணங்களைப் பயன்படுத்தி வேறு யாராவது மொபைல் ஃபோன் எண்ணைப் பயன்படுத்தினால், அதையும் கண்டறிந்து நிறுத்தலாம். செல்போன்கள் தொலைந்து போனால், அவற்றை மீட்க நடவடிக்கை எடுக்கப்படும். புதிய மொபைல் போன் வாங்கும் போது, அது புதிய பொருளா அல்லது திருடப்பட்டதா என்பதையும் இந்த ஆப் மூலம் தெரிந்து கொள்ளலாம். இதேபோல் தமிழகத்தில் தொலைத்தொடர்பு இல்லாத 223 கிராமங்கள் உள்பட நாடு முழுவதும் 27 ஆயிரம் கிராமங்களில் பிஎஸ்என்எல் மொபைல் போன் டவர்கள் நிறுவப்பட்டு வருகிறது.
இந்த இடங்களில், பிஎஸ்என்எல் சந்தாதாரர்கள் மற்றும் பிற மொபைல் போன் ஆபரேட்டர்களுக்கு ரோமிங் வசதிகளை வழங்கும் வகையில், ‘இன்ட்ரா சர்க்கிள் ரோமிங்’ திட்டம் புதிதாக தொடங்கப்பட்டுள்ளது. இதனுடன் தேசிய இணைய சேவை 2.0 திட்டமும் தொடங்கப்பட்டுள்ளது. இதன் மூலம் 2030-ம் ஆண்டுக்குள் 100 எம்பிபிஎஸ் வேகத்தில் 2.7 லட்சம் கிராமங்களுக்கு இணையதள சேவை வழங்கப்படும்.
இதில் 90% கல்வி நிறுவனங்கள், மருத்துவமனைகள், அங்கன்வாடிகள், பஞ்சாயத்து அலுவலகங்கள் போன்றவற்றுக்கு வழங்கப்படும். 30 சதவீத மொபைல் போன் டவர்களை பயன்படுத்த திட்டமிடப்பட்டுள்ளது. தேசிய இணையதளத்தில் சூரிய மற்றும் வரைபட ஆப்டிகல் ஃபைபர் இணைப்புகள் மூலம். இதன் விளைவாக, ஆப்டிகல் ஃபைபர் ஏற்கனவே அமைக்கப்பட்ட பகுதிகளில் வேறு எந்த ஆபரேட்டர்களும் புதிய ஆப்டிகல் கேபிள்களை அமைக்க வேண்டியதில்லை. தற்போதுள்ள ஆப்டிகல் ஃபைபரை பயன்படுத்திக் கொள்ளலாம் என்றார்கள்.
