‘மதகஜராஜா’ படத்தில் விஷால், சந்தானம், அஞ்சலி மற்றும் பலர் நடித்துள்ளனர். விஜய் ஆண்டனி இசையமைத்துள்ளார். இதை ஜெமினி பிலிம் சர்க்யூட் தயாரித்துள்ளது. 12 வருடங்களுக்கு முன் எடுக்கப்பட்ட இப்படம் கடந்த 12-ம் தேதி வெளியாகி வெற்றி பெற்றதை அடுத்து சென்னையில் ‘சக்சஸ் மீட்’ நடைபெற்றது. பேசிய இயக்குனர் சுந்தர். சி, “இதுவரை எந்தப் படத்துக்கும் ‘சக்சஸ் மீட்’ நடத்தவில்லை. ‘அரண்மனை 4’ கூட கேட்டார்கள்.
ஆனால், இதற்கு சக்சஸ்மீட் நடத்த காரணம் மற்ற படங்களை விட சிறப்பு. ‘12 வருடங்களுக்குப் பிறகு இந்தப் படம் வருகிறது, என்ன சாதிக்கப் போகிறது?’ என்று கூட சொன்னார்கள். ஆனால் இந்தப் படத்தின் மீது நம்பிக்கை இருந்தது. இதனை ரசிகர்கள் வெற்றிகரமாக செய்து வருகின்றனர். இது மிகப்பெரிய வெற்றியாகும். இந்த படத்திற்காக விஷால் கடுமையாக உழைத்துள்ளார்.
ஒரு நாள் விஷாலின் டிரைவர் போன் செய்து, ‘சார், கார்ல மயங்கி விழுந்துட்டாரு’ என்றார். அங்கு போய் பார்த்தால் அவர் மயங்கி இருந்தார். அவர் மிகவும் கடினமாக உழைத்திருந்தார். அவர் பட்ட கஷ்டங்களுக்கு இந்த வெற்றி மகிழ்ச்சி. இந்த வெற்றி அவருக்கு பெரிய மருந்தாக அமைந்தது. இவ்வாறு சுந்தர் சி. கூறினார். விஜய் ஆண்டனி, அஞ்சலி மற்றும் படக்குழுவினர் மகிழ்ச்சி அடைந்தனர். இப்படம் வரும் 31-ம் தேதி தெலுங்கு மற்றும் இந்தியில் வெளியாக உள்ளது.
