மதுரை: மதுரை விமான நிலையத்தில் அதிமுக பொதுச்செயலாளர் எடப்பாடி பழனிசாமிக்கு உற்சாக வரவேற்பு அளிக்கப்பட்டது.
ராமநாதபுரம் மாவட்டம் பரமக்குடியில் அதிமுக பிரமுகர் ஒருவரின் இல்லத் திருமண விழா இன்று காலை நடைபெற்றது. இதில் அதிமுக பொதுச் செயலாளர் எடப்பாடி பழனிச்சாமி கலந்து கொண்டார். இதையொட்டி சென்னையில் இருந்து விமானம் மூலம் காலை 8.30 மணியளவில் மதுரை வந்தார்.
விமான நிலையத்தில் அவருக்கு முன்னாள் அமைச்சர்கள் செல்லூர் ராஜூ, திண்டுக்கல் சீனிவாசன், நத்தம் விஸ்வநாதன், ஆர்.பி.வி.உதயகுமார், மணிகண்டன், மாவட்ட செயலாளர் ராஜன் செல்லப்பா உள்ளிட்ட கட்சி நிர்வாகிகள் உற்சாக வரவேற்பு அளித்தனர். இதையடுத்து காரில் புறப்பட்டு பரமக்குடி சென்றார்.
