பாலிவுட் சூப்பர் ஸ்டார் ஷாருக்கானுக்கு கடந்த சில வருடங்கள் கடினமானவை. அவரது படங்கள் அனைத்தும் தோல்வியடைந்தன. நீண்ட இடைவெளிக்குப் பிறகு தற்போது மீண்டும் ஹிட் டிராக்கில் வந்துள்ளார் ஷாருக்கான்.
தொடர்ந்து, 2023ல் இவரது நடிப்பில் வெளியான பதான், ஜவான் ஆகிய இரண்டு படங்களும் வெற்றி பெற்று 1000 கோடி ரூபாய்க்கு மேல் வசூல் செய்தன. இதற்கிடையில் ராஜ்குமார் ஹிரானியின் டன்கியும் வெளியாகி 500 கோடி ரூபாய் வசூலித்தது.
இதையடுத்து ஷாருக்கான் ‘கிங்’ படத்தில் நடிக்க இருப்பதாக கூறப்படுகிறது. இப்படத்தை சுஜய் கோஷ் இயக்குவதாகவும், ஷாருக்கானின் மகள் சுஹானா கான் முக்கிய கதாபாத்திரத்தில் நடிக்கவிருப்பதாகவும் கூறப்படுகிறது.
இந்நிலையில் இந்த படத்தில் கதாநாயகியாக நடிக்க சமந்தா ஒப்பந்தமாகியுள்ளதாக கூறப்படுகிறது. சமந்தா ஏற்கனவே ஷாருக்கானின் டன்கி படத்தில் நடித்திருந்தார், பின்னர் உடல் நலக்குறைவு காரணமாக வெளியேறினார் என்பது குறிப்பிடத்தக்கது.
