சமீபகாலமாக, சினிமா பிரபலங்கள் கடற்கரை ரெசார்ட்டுகளில் தங்கள் திருமணத்தை கொண்டாடுவதால் அது “ட்ரீம் வெட்டிங்” என பரவலாக அழைக்கப்படுகிறது. நடிகை நயன்தாரா, மகாபலிபுரம் அருகே உள்ள ரெசார்ட்டில் தனது திருமணத்தை கொண்டாடினார். அதேபோல், நடிகை வரலட்சுமி சரத்குமார் தாய்லாந்தில் திருமணம் செய்திருந்தார். இந்நிலையில், தமிழ்நாடு திரையுலகின் பிரபல ஒளிப்பதிவாளர் தமிழழகன், ஸ்ருதியுடன் இன்று திருமணம் செய்துக் கொண்டார்.
இந்த திருமணத்தில் பல சினிமா பிரபலங்கள் கலந்து, மணமக்களை வாழ்த்தினர். தமிழழகன், ப்ளூ ஸ்டார், ஓ2, மன்மத லீலை போன்ற படங்களில் ஒளிப்பதிவாளராக பணியாற்றியவர். தற்போது, அவரின் திருமணமே தமிழ் சினிமா வட்டாரத்தில் பரபரப்பை ஏற்படுத்தியுள்ளது. தமிழழகன் மற்றும் ஸ்ருதி தாலி கட்டிய புகைப்படங்களும், திரைபிரபலங்கள் மணமக்களை வாழ்த்திய புகைப்படங்களும் இணையத்தில் வைரலாக பரவி வருகின்றன.
தமிழழகன், கடந்த ஆண்டு பா. ரஞ்சித் தயாரிப்பில் வெளியான ப்ளூ ஸ்டார் படத்தில் ஒளிப்பதிவாளராக பணியாற்றினார். அசோக் செல்வன், கீர்த்தி பாண்டியன், சாந்தனு உள்ளிட்ட பலர் நடித்த இந்த படம் ரசிகர்களின் மனதை வென்றது. மேலும், நயன்தாரா நடித்த O2 மற்றும் வெங்கட் பிரபு இயக்கத்தில் வெளியான மன்மத லீலை படங்களுக்கும் தமிழழகன் ஒளிப்பதிவாளராக பணியாற்றியுள்ளார்.
இருப்பினும், தமிழ் சினிமாவின் பல முன்னணி பிரபலங்கள் இந்த திருமணத்தில் கலந்து கொண்டுள்ளனர். வெங்கட் பிரபு, பா. ரஞ்சித், கார்த்தி, ஐஸ்வர்யா ராஜேஷ், ரமேஷ் திலக், மெட்ராஸ் ஜானி, ரம்யா என்.எஸ்.கே, தயாரிப்பாளர் எஸ்.ஆர். பிரபு, இயக்குநர் ஜெயக்குமார், எழுத்தாளர் தமிழ் பிரபா ஆகியோர் திருமணத்தில் பங்கேற்று மணமக்களை வாழ்த்தினர்.
திருமணத்தின் முக்கிய தருணம் கடற்கரை ரெசார்ட்டில் நடைபெற்றது, அங்கு கடல் பக்கம் நின்று, மணமக்கள் தங்கள் வாழ்கையைக் கொண்டாடினர். கடற்கரையில் அமைந்துள்ள பிரம்மாண்டமாக அமைக்கப்பட்ட ஓபன் செட்டில் திருமணம் நடைபெற்றது. இயற்கையின் அழகுடன் கடல் அன்னை சாட்சியாய் திருமணம் நடைபெற்றது.
