அமெரிக்க அதிபர் டொனால்ட் ட்ரம்ப்புக்கு நன்றி தெரிவித்து வீடியோ வெளியிட்டுள்ள உக்ரைன் அதிபர் ஜெலன்ஸ்கி,
“இது உக்ரைனின் சுதந்திரத்தைப் பாதுகாப்பதற்கான நன்றியுணர்வு” என குறிப்பிட்டுள்ளார்.
உக்ரைனுக்கு எதிராக ரஷ்யா தொடுத்த போரில், அமெரிக்கா $350 பில்லியன் மதிப்பிலான உதவிகளை வழங்கியுள்ளதாக தெரிவிக்கப்பட்டுள்ளது.
சில தினங்களுக்கு முன்பு வெள்ளை மாளிகையில், ட்ரம்ப்பையும் துணை அதிபர் ஜே.டி. வான்ஸையும் ஜெலன்ஸ்கி சந்தித்தார். அப்போது, அமெரிக்க ஆதரவுக்காக நன்றி தெரிவிக்காததை ட்ரம்ப் சுட்டிக்காட்டினார். இதனால் இருவருக்கும் இடையில் வாக்குவாதம் ஏற்பட்டதாக தகவல்கள் வெளியாகியுள்ளன. இதே சந்திப்பில், கனிம வள ஒப்பந்தம் கையெழுத்தாகாமல் பேச்சுவார்த்தை பாதியில் முடிந்தது.
இந்த விவகாரத்திற்கு பின்னர், லண்டனில் மார்ச் 2 அன்று ஐரோப்பிய நாடுகள் உச்சிமாநாடு நடைபெற்றது. இங்கிலாந்து, பிரான்ஸ், கனடா, இத்தாலி உள்ளிட்ட 18 நாடுகள் உக்ரைனுக்கு முழு ஆதரவை தெரிவித்தன. இங்கிலாந்து உக்ரைனுக்கு கடன் வழங்கும் ஒப்பந்தத்திலும் கையெழுத்திட்டது.
இதையடுத்து, ஜெலன்ஸ்கி தனது எக்ஸ் பக்கத்தில் வீடியோ வெளியிட்டார்:
“ஐரோப்பாவிடமிருந்து உறுதியான ஆதரவை பெற்றுள்ளோம். அமைதி உண்மையானதாக இருக்க, உக்ரைனுக்கு பாதுகாப்பு உத்தரவாதங்கள் தேவை.
அமெரிக்காவின் ஆதரவை நாங்கள் உணர்கிறோம். இது நமது சுதந்திரத்தைப் பாதுகாக்கும் நன்றியுணர்வு.”
இந்த அறிவிப்பு, அமெரிக்கா-உக்ரைன் உறவில் புதிய கட்டத்தை அடைந்துள்ளதைக் காட்டுகிறது.
