சென்னை: கனடாவில் பிரதமர் மார்க் கேர்னி தலைமையிலான புதிய அமைச்சரவையில் நீதித்துறை அமைச்சராக பொறுப்பேற்றுள்ள கேரி ஆனந்தசங்கரிக்கு வாழ்த்து தெரிவித்துள்ள பாமக தலைவர் அன்புமணி ராமதாஸ், மனித உரிமைகளுக்காக தொடர்ந்து போராட வேண்டும் என்று கூறியுள்ளார். அன்புமணி வெளியிட்டுள்ள அறிக்கையில் கூறியிருப்பதாவது:-
கனடாவில் பிரதமர் மார்க் கேர்னி தலைமையிலான புதிய அமைச்சரவையில் கனடா நீதித்துறை அமைச்சராகவும், சட்டமா அதிபராகவும் பொறுப்பேற்றுள்ள எனது நண்பரும் ஈழத்தமிழர் கேரி ஆனந்தசங்கரிக்கு எனது வாழ்த்துகளைத் தெரிவித்துக் கொள்கிறேன். கனடாவில் கடந்த காலங்களில் ஏராளமான தமிழர்கள் நாடாளுமன்ற உறுப்பினர்களாகத் தேர்ந்தெடுக்கப்பட்டிருந்தாலும், அந்நாட்டில் தமிழர் ஒருவர் அமைச்சராகப் பொறுப்பேற்றது இதுவே முதல் முறை.
கனடாவின் நீதித்துறை அமைச்சராகப் பொறுப்பேற்றுள்ள ஆனந்த சங்கரி அந்தப் பதவிக்கு மிகவும் பொறுப்பானவர். ஆனந்த சங்கரி 15 ஆண்டுகளுக்கும் மேலாக எனது நண்பர். இலங்கையில் நடந்த போர்க்குற்றங்கள் மற்றும் மனித உரிமை மீறல்கள் குறித்து சர்வதேச விசாரணை நடத்த வலியுறுத்தி ராமதாஸ் உருவாக்கிய பசுமை தாயகம் அமைப்பின் சார்பில் ஜெனிவாவில் நடந்த ஐநா மனித உரிமை கவுன்சில் கூட்டத்தில் அவர் பங்கேற்றார்.
பசுமைத் தாயகம் சார்பில் ஐநா மனித உரிமைகள் பேரவைக் கூட்டத்தில் நான் பங்கேற்றபோது, ஆனந்த சங்கரியும் அந்த அமர்வுகளில் பங்கேற்று எனது முயற்சிகளையும் பசுமைத் தாயகம் அமைப்பின் செயல்பாடுகளையும் பாராட்டினார். ராமதாஸ் மீது மிகுந்த மரியாதை வைத்துள்ளார். கனடாவின் நீதித்துறை அமைச்சராகப் பொறுப்பேற்ற பிறகு ஆனந்த சங்கரி என்னிடம் தொலைபேசியில் பேசினார்.
பாட்டாளி மக்கள் கட்சி சார்பில் அவருக்கு வாழ்த்து தெரிவித்து, அவர் எடுத்துள்ள பொறுப்பில் வெற்றி பெற்று, இலங்கை இனப்படுகொலையில் உயிரிழந்தவர்களின் குடும்பங்களுக்கு நீதி கிடைக்க தொடர்ந்து பாடுபட வேண்டும் என்று கேட்டுக் கொள்கிறேன். அதற்காக அவருக்கு நன்றி தெரிவித்தார். இவ்வாறு அன்புமணி கூறியுள்ளார்.
