ஐதராபாத்: வசூலில் புதிய உச்சத்தை எட்டியுள்ளது பிரபாஸின் கல்கி 2898ஏடி என்று அதிகாரப்பூர்வ தகவல்கள் வெளியாகி உள்ளது.
நாக் அஸ்வின் இயக்கத்தில் பிரபாஸ், அமிதாப் பச்சன், கமல்ஹாசன், தீபிகா படுகோனே, திஷா பதானி, அன்னா பென் என பலர் நடிக்க வெளியான படம் கல்கி 2898ஏடி.
கடந்த ஜுன் 27ம் தேதி வெளியான இப்படம் தமிழ், ஆங்கிலம், இந்தி, மலையாளம் என பல்வேறு மொழிகளில் வெளியானது. படம் வெளியாகி வெற்றிகரமாக ஓடிக் கொண்டிருக்கும் நிலையில் படத்தின் ஓடிடி ரிலீஸ் குறித்து தகவல் வெளியாகி இருக்கிறது.
சுதந்திர தினத்தன்று பிரைம் வீடியோ ஓடிடி தளத்தில் கல்கி 2898ஏடி திரைப்படம் வெளியாகும் என கூறப்படுகிறது. கல்கி 2898ஏடி திரைப்படம் வெளியாகி 15 நாட்கள் ஆன நிலையில் படத்தின் முழு வசூல் குறித்து அதிகாரப்பூர்வ தகவல் வெளியாகியுள்ளது.
தற்போது படம் ரூ. 1000 கோடி வசூலை எட்டியுள்ளதாக தயாரிப்பு நிறுவனம் போஸ்டர் வெளியிட்டுள்ளனர்.
