தஞ்சாவூர்: தஞ்சாவூர் பெரிய கோயிலில் உண்டியல்கள் திறக்கப்பட்டு, எண்ணப்பட்டதில் ரூ. 48. 62 லட்சம் காணிக்கையாக வந்தது தெரிய வந்தது.
இக்கோயிலில் மொத்தம் 11 உண்டியல்கள் உள்ளன. இந்த உண்டியல்கள் மாதந்தோறும் திறக்கப்பட்டு, எண்ணப்படுவது வழக்கம். இந்நிலையில், 11 உண்டியல்கள் இந்து சமய அறநிலையத் துறை அலுவலர்கள் முன்னிலையில் திறந்து எண்ணப்பட்டன.
இப்பணியில் வங்கி ஊழியர்கள், மகளிர் சுயஉதவிக்குழுவினர் உள்ளிட்டோர் ஈடுபட்டனர். இதில் பக்தர்கள் ரூ. 48 லட்சத்து 62 ஆயிரத்து 507 ரொக்கமும், 92. 5 கிராம் வெள்ளியும், 3.9 கிராம் தங்கமும் காணிக்கையாக செலுத்தியிருப்பது தெரிய வந்தது
