அறிமுக இயக்குனர் கலா அல்லூரி எழுதி இயக்கியுள்ள படம் ‘பரிசு’. கதாநாயகியை மையமாகக் கொண்ட இந்தப் படத்தில் ஜான்விகா கதாநாயகியாக நடிக்கிறார்.
ஜெய்பாலா, கிரண் பிரதீப், ஆடுகளம் நரேன், சென்ராயன், சச்சு உள்ளிட்ட பலர் நடித்துள்ளனர். காலா கிரியேஷன்ஸ் தயாரித்துள்ள இந்த படத்திற்கு ஷங்கர் செல்வராஜ் ஒளிப்பதிவு செய்துள்ளார்.
படம் பற்றி இயக்குநர் கலா அல்லூரி கூறும்போது, “ஓய்வு பெற்ற ராணுவ அதிகாரியான தந்தை ஒருவர், தனது மகளை ராணுவத்தில் சேரச் சொல்கிறார். தந்தையின் விருப்பப்படி மகள் சேருகிறாள்.
பிரச்சனைகள் மற்றும் தடைகளை எதிர்கொண்டு அவர் எப்படி வெற்றி பெறுகிறார் என்பதை படம் காட்டுகிறது. நம் நாட்டில் பெண்கள் அனைத்து துறைகளிலும் முன்னேறி வருகின்றனர்.
