லாஸ் ஏஞ்சல்ஸ்: வார்னர் பிரதர்ஸ் மற்றும் லெஜண்டரியின் ‘A Minecraft Movie’ உலக பாக்ஸ் ஆபிஸில் $550 மில்லியன் வசூலித்துள்ளது. 11 நாட்களில், சாண்ட்பாக்ஸ் வீடியோ கேம் Minecraft ஐ அடிப்படையாகக் கொண்ட படம், அமெரிக்காவில் $281 மில்லியனையும், சர்வதேச அளவில் $269.6 மில்லியனையும் வசூலித்துள்ளது.
படத்தின் உலகளாவிய வசூல் ரூ.4,700 கோடி (இந்திய மதிப்பில்). இப்படத்தில் ஜேசன் மோமோவா, ஜாக் பிளாக், ஜெனிபர் கூலிட்ஜ், டேனியல் ப்ரூக்ஸ் மற்றும் எம்மா மியர்ஸ் ஆகியோர் நடித்துள்ளனர். விசித்திரமான விலங்குகள் நிறைந்த உலகில் அவர்கள் சிக்கிக் கொள்கிறார்கள். அவர்கள் அங்கிருந்து எப்படி தப்பிக்கிறார்கள் என்பதை மிக சுவாரஸ்யமாகவும் வேகமாகவும் சொல்லும் படம்.
அதிக அனிமேஷனைக் கொண்ட 3டி படம் இது. இப்படம் ஏப்ரல் 4-ம் தேதி வெளியானது. இப்படம் $157 மில்லியன் ஓப்பனிங்குடன் அறிமுகமாகி அன்றிலிருந்து பிரபலமடைந்து வருகிறது. பாக்ஸ் ஆபிஸ் எண்கள் மற்றும் மதிப்பீடுகளை விட, ரசிகர்களின் ஆதரவு படத்தின் மகத்தான வெற்றிக்கு மற்றொரு சான்று. வெளிநாட்டில் படம் திரையிடப்படுவதற்கு முன்பு ரசிகர்கள் அமைதியாக இருக்குமாறு கேட்டுக் கொள்ளப்படுகிறார்கள்.
காரணம், படம் ஓடிக்கொண்டிருக்கும்போதே 3டி காட்சிகள் ரசிகர்களை உற்சாகப்படுத்துகிறது. அதுமட்டுமின்றி, இளம் ரசிகர்கள் கையில் இருந்த பாப்கார்னை எல்லாம் வீசி படத்தை ரசிக்கும் காட்சிகள் தினமும் தியேட்டர்களில் அரங்கேறி வருகின்றன.
