ராம் இயக்கத்தில், சிவா மற்றும் கிரேஸ் ராஜ ஆண்டனி நடித்த ‘பறந்து போ’ திரைப்படம் கடந்த 4-ம் தேதி வெளியானது. இந்தப் படம் நல்ல வரவேற்பைப் பெற்றுள்ளது, அதன் வெற்றி விழா சென்னையில் நடைபெற்றது.
கிரேஸ் ஆண்டனி, இசையமைப்பாளர் சந்தோஷ் தயாநிதி, எடிட்டர் மதி, பாடலாசிரியர் மதன் கார்க்கி மற்றும் படக்குழுவினர் கலந்து கொண்டனர். இயக்குநர் ராம் பேசுகையில், “இந்தப் படம் ஒரு முழுமையான மற்றும் மகிழ்ச்சியான பயணமாக இருந்தது.
இந்தப் படத்தைத் திரைக்குக் கொண்டுவருவதில் என்னை விட எனது உதவி இயக்குநர்கள் அதிக ஆர்வம் காட்டினர். சினிமா என்பது கணிக்க முடியாத விளையாட்டு. இந்தப் படத்தின் மூலம் சமகால தலைமுறையினருடன் இணைய முடிந்ததில் நான் மகிழ்ச்சியடைகிறேன்.
என் மீது நம்பிக்கை வைத்து படத்தை வெளியிட்டதற்காக சிவா, கிரேஸ் ஆண்டனி, அஞ்சலி மற்றும் எனது குழுவினர் அனைவருக்கும், ரோமியோ பிக்சர்ஸ் ராகுலுக்கும் நன்றி கூறுகிறேன்.”
