லோகேஷ் கனகராஜ் இயக்கத்தில் ரஜினிகாந்த் நடிக்கும் படம் ‘கூலி’. இது ரஜினியின் 171-வது படம். இதில் சத்யராஜ், நாகார்ஜுனா, சௌபின் ஷாஹிர், ஸ்ருதி ஹாசன், உபேந்திரா மற்றும் பலர் நடிக்கின்றனர். இந்தி நடிகர் ஆமிர் கான் இதில் கெஸ்ட் ரோலில் நடிக்கிறார்.
படம் ஆகஸ்ட் 14-ம் தேதி வெளியாகிறது. இந்தப் படத்திற்காக ஆமிர் கான் ரூ. 20 கோடி சம்பளம் பெற்றதாக சமூக ஊடகங்களில் செய்தி பரவியது. ஆனால், நடிகர் ஆமிர் கான் இதை மறுத்துள்ளார்.
“கூலி படத்திற்காக நான் எந்த சம்பளமும் வாங்கவில்லை. ரஜினி சார் மீது எனக்கு மிகுந்த மரியாதையும் அன்பும் உண்டு.
அவருடன் நடிப்பது எனக்கு ஒரு பெரிய பரிசு. அதனால் பணத்தைப் பற்றி யோசிக்கக்கூட முடியவில்லை,” என்று ஆமிர் கான் கூறினார்.
