நடிகர் கார்த்தி, அரவிந்த் சாமி நடித்துள்ள ‘மெய்யழகன்’ படத்தின் டிரைலர் வெளியீடு.!!

’96’ படத்தின் இயக்குனர் பிரேம்குமார் இயக்கியுள்ள படம் ‘மெய்யழகன்’. 2டி நிறுவனம் தயாரித்துள்ள இந்தப் படத்தை சக்தி ஃபிலிம் பேக்டரி வெளியிடுகிறது.

செப்டம்பர் 27-ம் தேதி வெளியாகிறது. இதில் ஸ்ரீதிவ்யா, ராஜ்கிரண் மற்றும் பலர் நடித்துள்ளனர். இந்நிலையில் இந்த படத்தின் டிரைலர் தற்போது வெளியாகியுள்ளது.

சுமார் 2.44 நிமிட ரன் டைம் கொண்ட இந்த டிரெய்லரில், வாழ்வாதாரத்திற்காக சொந்த ஊரையும் உறவுகளையும் விட்டு வெளியேறிய ஒரு மனிதனின் பயணத்தின் மூலம் இயக்குனர் பிரேம்குமார் கதை சொல்கிறார்.

ஊரோடும் உறவுகளோடும் பலவிதமான பசுமையான நினைவுகளும் சோகங்களும் அதில் சொல்லப்பட்டிருப்பதாகத் தெரிகிறது. அருள் வேடத்தில் அரவிந்த் சாமி நடித்துள்ளார். கார்த்தி அவரை அன்புடன் ‘அத்தான்’ என்று அழைப்பார்.

ட்ரைலரில் இடம்பெற்றுள்ள சில காட்சிகள், குளத்தின் அருகே மீன்கள் இருவரின் கால்களைக் கடிப்பது போலவும், வெட்டவெளியில் இருவரும் இணைந்து பாடுவது போலவும் அற்புதமாக உள்ளது.