நடிகர் மோகன்லால் ‘பரோஸ்’ படத்தின் மூலம் இயக்குநராக அறிமுகமாகிறார். 3டியில் உருவாகியுள்ள இந்த பிரம்மாண்ட ஃபேண்டஸி படத்தை ஆசிர்வாத் சினிமாஸ் சார்பில் ஆண்டனி பெரும்பாவூர் தயாரித்துள்ளார். லிடியன் நாதஸ்வரம் இசையமைத்துள்ளார். ஹாலிவுட் இசையமைப்பாளர் மார்க் கிலியான் பின்னணி இசை அமைத்துள்ளார்.
நாளை வெளியாகும் இப்படத்தின் வெளியீட்டு விழா சென்னையில் நடைபெற்றது. விழாவில் நடிகர் மோகன்லால் பேசுகையில், “நான் திரையுலகில் 47 வருடங்களாக இருக்கிறேன். இயக்குநராக இது எனக்கு முதல் படம். ஒரு கற்பனை, சாகசப் படம். படத்தை முழுக்க முழுக்க 3டியில், இரண்டு கண்களால் பார்ப்பது போல், இரண்டு கேமராக்கள் மூலம் படமாக்கியுள்ளோம்.
முக்கியமான மற்றும் திறமையான கலைஞர்கள் இதில் பணியாற்றியுள்ளனர். இந்தப் படத்தில் இந்தியாவைச் சேர்ந்த 2 நடிகர்கள் மட்டுமே நடித்துள்ளனர். மற்றவர்கள் போர்ச்சுகல், ஸ்பெயின் மற்றும் ரஷ்யாவைச் சேர்ந்த நடிகர்கள். “ஒரு பிரிட்டிஷ் குழந்தை முக்கிய வேடத்தில் நடிக்கிறது. இந்தப் படம் உங்களை ஒரு மாயாஜால உலகிற்கு அழைத்துச் செல்லும். இந்தப் படம் உங்களுக்குள் இருக்கும் குழந்தை மனதை தட்டி எழுப்பும்.”
