நடிகை கஜோல் கடந்த 30 ஆண்டுகளுக்கும் மேலாக பாலிவுட் சினிமாவில் டாப் ஹீரோயினாக இருந்து வருகிறார். 1992 ஆம் ஆண்டு பெக்குடி திரைப்படத்தில் கதாநாயகியாக அறிமுகமான இவர், பாசிகர், தில்வாலே துல்ஹனியா லே ஜாயேங்கே, குச் குச் ஹோதா ஹை போன்ற படங்களின் மூலம் மக்களின் மனதை வென்றார்.
கபி குஷி கபி கம், மை நேம் இஸ் கான் போன்ற படங்களுக்காக விருதுகளைப் பெற்றார். சினிமாவில் அவர் செய்த சாதனைகளுக்காக 2011 இல் பத்மஸ்ரீ விருதைப் பெற்றார்.
இவர் சினிமாவில் முன்னணி நடிகையாக வலம் வந்து கொண்டிருந்த போது நடிகர் அஜய் தேவ்கனை காதலித்து 1999ல் திருமணம் செய்து கொண்டார். இவர்களுக்கு ஒரு மகளும், ஒரு மகனும் உள்ளனர். நேற்று (ஆகஸ்ட் 5) தனது 50வது பிறந்தநாளை கொண்டாடிய நடிகை கஜோலின் சொத்து மதிப்பு ரூ. 240 கோடி வரை இருக்கும் என கூறப்படுகிறது. அவரது ஆண்டு வருமானம் ரூ. 20 முதல் ரூ. 25 கோடி இருக்கும். கஜோலின் கார் சேகரிப்பு அவரது ரியல் எஸ்டேட் போலவே ஈர்க்கக்கூடியது.
சுமார் ரூ. 1.6 கோடி பிஎம்டபிள்யூ எக்ஸ்7 கார், ரூ. 87.9 லட்சம் வால்வோ XC90 மற்றும் ரூ. 80.70 லட்சத்துக்கும் அதிகமான மதிப்புள்ள ஆடி க்யூ7 காரையும் வைத்துள்ளார்.
