சென்னை: தென்னிந்திய சினிமாவின் முன்னணி நடிகையாக இருக்கும் கீர்த்தி சுரேஷ், தற்போது பாலிவுட்டிலும் தனது நடிப்புப் பயணத்தை விரிவாக்கி வருகிறார். கமர்ஷியல் மற்றும் கலையை மையமாக கொண்ட திரைப்படங்களில் சீரான முன்னேற்றத்துடன் நடித்து வரும் கீர்த்தி, தனது தனித்துவமான நடிப்பால் ரசிகர்களின் மனதில் இடம் பிடித்துள்ளார்.
கீர்த்தியின் குடும்பம் சினிமா பின்னணியைக் கொண்டது. அவருடைய தாயார் மேனகா முன்னாள் பிரபல நடிகை, தந்தை சுரேஷ் குமார் மலையாள திரையுலகில் பரிசுத்தமான தயாரிப்பாளர். மலையாள திரைப்படங்களில் தனது பயணத்தைத் தொடங்கிய கீர்த்தி, தமிழில் இது என்ன மாயம் படத்தின் மூலம் அறிமுகமானார். ரஜினி முருகன் படம் இவருக்கு நல்ல பெயரையும் ரசிகர் ஆதரவும் பெற்றுத் தந்தது.
தெலுங்கிலும் புகழ் பெற்ற கீர்த்தி, மகாநதி படத்தில் நடிகை சாவித்திரியாக நடித்ததற்காக தேசிய விருது பெற்றார். கடந்த ஆண்டு டிசம்பர் 12ஆம் தேதி, தனது பள்ளிக்கால காதலர் ஆண்டணியை கோவாவில் திருமணம் செய்துகொண்டார். இந்து மற்றும் கிறிஸ்தவ முறைப்படி நடைபெற்ற திருமணத்தில் தென்னிந்திய மற்றும் பாலிவுட் பிரபலங்கள் கலந்து கொண்டனர். நடிகர் விஜய் மற்றும் த்ரிஷா தனி விமானத்தில் கலந்து கொண்டது பெரும் பரபரப்பை ஏற்படுத்தியது.
திருமணத்திற்கு பிறகு கீர்த்தி பாலிவுட் மற்றும் தென்னிந்திய படங்களில் மீண்டும் கமிட் ஆகிவிட்டார். இன்ஸ்டாகிராமில் தொடர்ந்து ஆக்டிவாக இருக்கும் கீர்த்தி, தற்போது தனது செல்லப்பிராணியுடன் விளையாடும் வீடியோவால் இணையத்தில் ஃபேமாகியுள்ளார். அந்த வீடியோவில், அவர் முகத்தை நக்கிக்கொண்டிருக்கும் நாயை பார்த்து முகத்தை மறைத்தும், அதைத் தடுப்பதற்கு முயற்சித்தும் கியூட்டாக காட்சியளிக்கிறார்.
இந்த வீடியோ தற்போது ரசிகர்களிடையே வைரலாகி வருகிறது. கீர்த்தியின் திருமணத்தின்போதும் இந்த செல்லப்பிராணி கூடவே இருந்தது என்பது குறிப்பிடத்தக்கது.
