சென்னை: பிரபல நடிகை நிவேதா பெத்துராஜ் துபாய் தொழிலதிபரை காதல் திருமணம் செய்து கொள்கிறார். இவர்களது திருமணம் அடுத்த ஜனவரி மாதம் சென்னையில் நடைபெறும். தமிழ் படங்களில் ‘ஒரு நாள் கூத்து’, ‘பொதுவாக எம்மனசு தங்கம்’, ‘டிக் டிக் டிக்’, ‘திமிரு புடிச்சவன்’, ‘சங்கத்தமிழன்’, ‘பொன் மாணிக்கவேல்’ ஆகிய படங்களில் கதாநாயகியாக நடித்துள்ள நிவேதா பெத்துராஜ் (34), தெலுங்கிலும் சில படங்களில் நடித்துள்ளார்.
விளையாட்டுகளில் மிகுந்த ஆர்வம் கொண்ட இவர் மாநில அளவிலான பேட்மிண்டன் போட்டிகளில் பங்கேற்று வெற்றி பெற்றுள்ளார். ஃபார்முலா ஒன் கார் பந்தயத்திலும் பங்கேற்று பரிசுகளை வென்றுள்ளார். இந்நிலையில் நேற்று, நிவேதா பெத்துராஜ் தனது காதலனுடன் ஒரு புகைப்படத்தை வெளியிட்டு, புகைப்படத்தின் கீழே இதய ஈமோஜிகளை பதிவிட்டுள்ளார். அவரது காதலரின் பெயர் ரஜித் இப்ரான். அவர் மாடலிங் துறையைச் சேர்ந்தவர், துபாய் மற்றும் சென்னையில் ஒரு தொழிலதிபர். ரஜித் இப்ரானும் நிவேதா பெத்துராஜும் நிச்சயதார்த்தம் செய்து கொண்டனர்.
அவர்களின் திருமணம் ஜனவரியில் நடைபெறும். இது குறித்து நிவேதா பெத்துராஜிடம் கேட்டபோது, ’நானும் ராஜித் இப்ரானும் கடந்த 5 வருடங்களாக நண்பர்களாக இருக்கிறோம்’ என்றார். ஒரு கட்டத்தில், நாங்கள் ஒருவரையொருவர் காதலித்து வருகிறோம் என்று எங்களுக்குத் தெரியவந்தது. இதைப் பற்றி எங்கள் பெற்றோரிடம் சொன்னோம். அவர்கள் ஒப்புக்கொண்டனர்.
இது இரு பெற்றோரின் சம்மதம் மற்றும் ஆசீர்வாதத்துடன் நடக்கும் காதல் திருமணம். ரஜித் இப்ரானும் நானும் ஒன்றரை மாதங்களுக்கு முன்பு நிச்சயதார்த்தம் செய்து கொண்டோம். எங்கள் திருமணம் அடுத்த ஜனவரியில் சென்னையில் நடைபெறும். திருமணத்திற்குப் பிறகும் நான் தொடர்ந்து படங்களில் நடிப்பேன்,’ என்று அவர் கூறினார்.
