நடிகை சோபிதா துலிபாலா மற்றும் நடிகர் நாக சைதன்யா கடந்த இரண்டு நாட்களுக்கு முன் ஐதராபாத்திலுள்ள நாகர்ஜுனா இல்லத்தில் தங்களது நிச்சயதார்த்தத்தை முடித்துள்ளனர்.
இந்நிகழ்ச்சியில், சோபிதா துலிபாலா தனது இன்ஸ்டாகிராம் பக்கத்தில் “குறுந்தொகை” பாடலுடன் காதலை வெளிப்படுத்தும் வகையில் புகைப்படங்களைப் பகிர்ந்துள்ளார், இது வைரலாகி பரவலாக பேசப்படுகிறது.
சோபிதா துலிபாலா, ‘ஃபெமினா மிஸ் இந்தியா 2013’ மற்றும் ‘மிஸ் இந்தியா எர்த் 2013’ பட்டங்களை வென்றவர். பிரபல இயக்குநர் அனுராக் காஷ்யப் இயக்கத்தில் “ராமன் ராகவ் 2.0” படத்திற்குப் பிறகு, ‘Made in Heaven’ வெப் சீரிஸ் மூலம் அறிமுகமானார். ‘குருப்’, ‘பொன்னியின் செல்வன்’ போன்ற பல படங்களில் நடித்து வருகிறார்.
நாக சைதன்யா மற்றும் சோபிதா துலிபாலா காதலித்து வருவதாக டோலிவுட் வட்டாரங்களில் பரவலாக பேசப்பட்டது. இதற்கிடையில், நாகர்ஜூனா தனது எக்ஸ் வலைதளத்தில், “எங்கள் மகன் நாக சைதன்யாவுக்கும் சோபிதா துலிபாலாவுக்கும் இன்று காலை 9.42 மணிக்கு நிச்சயதார்த்தம் நடந்ததை அறிவிப்பதில் நாங்கள் மகிழ்ச்சியடைகிறோம். சோபிதா துலிபாலாவை எங்கள் குடும்பத்தில் வரவேற்பதில் மிகுந்த மகிழ்ச்சி அடைகிறோம்” என்று பதிவிட்டார்.
இவ்வாறு, நாக சைதன்யா மற்றும் சோபிதா துலிபாலா அவர்களின் புதிய வாழ்க்கையை ஆரம்பிக்கும் சிறப்பான தருணம் அனைவரின் கவனத்தை ஈர்த்து வருகிறது. இந்த நிலையில் சோபிதா தனது இன்ஸ்டாகிறாம் பக்கத்தில் நாகர்ஜூனாவும், அவரும் இருந்த புகைப்படங்களைப் பகிர்ந்து, ‘குறுந்தொகை’ நூலில் இடம்பெற்றிருக்கும் “யாயும் ஞாயும் யார் ஆகியரோ? அந்தப் பாடல் வரிகளின் ஆங்கில மொழிபெயர்ப்பைப் பதிவிட்டுள்ளார். இது சமூக வலைதளங்களில் வைரலாகி வருகிறது.
