‘மதகஜராஜா’ 2012-ல் துவங்கி 2013-ம் ஆண்டு பொங்கலுக்கு வெளியாகும் என விளம்பரம் செய்யப்பட்டது. ஜெமினி ஃபிலிம் சர்க்யூட் தயாரிக்கும் இப்படத்தை சுந்தர் இயக்குகிறார். சி நிறுவனம் பல்வேறு பிரச்சனைகளில் சிக்கியதால் ‘மதகஜராஜா’ வெளியாகவில்லை. பலமுறை வெளியாகும் என அறிவிக்கப்பட்டும் வெளியாகவில்லை.
தற்போது 12 ஆண்டுகளுக்குப் பிறகு மீண்டும் பொங்கல் வெளியீடாக ‘மதகஜராஜா’ படம் வெளியாகிறது. விரைவில் புதிய டிரைலரை வெளியிட்டு விளம்பரப்படுத்த படக்குழு திட்டமிட்டுள்ளது. விஷால், அஞ்சலி, வரலட்சுமி, சந்தானம், பிரகாஷ் ராஜ், சோனு சூட் உள்ளிட்ட பலர் முக்கிய வேடங்களில் நடித்துள்ளனர். இது முழுக்க முழுக்க நகைச்சுவை பின்னணி கொண்ட கமர்ஷியல் படம். இந்த முறை கண்டிப்பாக வெளியாகும் என படக்குழுவினர் நம்பிக்கை தெரிவித்துள்ளனர்.
