சென்னை: ராஜ்குமார் பெரியசாமி இயக்கத்தில் சிவகார்த்திகேயன் நடித்த அமரன் படம் தீபாவளியை முன்னிட்டு அக்டோபர் 31-ம் தேதி திரையரங்குகளில் வெளியானது. இந்தப் படத்தில் சாய் பல்லவி நாயகியாக நடித்துள்ளார். ஜிவி பிரகாஷ் குமார் இசையமைத்துள்ளார். இப்படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரித்துள்ளது.
மேஜர் முகுந்த் வரதராஜனின் வாழ்க்கை வரலாற்று படமாக இப்படம் உருவாகியுள்ளது. படம் வெளியான முதல் நாளிலேயே ரசிகர்களிடம் நல்ல வரவேற்பை பெற்றது. முதல் நாள் ரூ.45 கோடிக்கு மேல் வசூலித்ததாக படக்குழு அறிவித்துள்ளது. இந்தப் படத்தின் பட்ஜெட் 100 கோடி. இந்நிலையில், இந்த படம் வெளியாகி 19 நாட்கள் கடந்துள்ள நிலையில், இப்படம் உலகம் முழுவதும் ரூ. 300 கோடி வசூலித்துள்ளதாக தகவல் வெளியாகியுள்ளது.
தமிழகத்தில் மட்டும் ரூ.140 கோடிக்கு மேல் வசூல் செய்துள்ளது. சிவகார்த்திகேயனின் கேரியரில் அதிக வசூல் செய்த படம் இதுதான். இந்த ஆண்டின் 2-வது அதிக வசூல். விஜய்யின் ‘தி கோட்’ ரூ.450 கோடிக்கு மேல் வசூல் செய்தது குறிப்பிடத்தக்கது.
