சென்னை அண்ணாநகரில் நடந்த கடை திறப்பு விழாவில் ஆர்யா கலந்து கொண்டார். அப்போது, செய்தியாளர்கள் எழுப்பிய கேள்விகளுக்கு அவர் பதிலளித்தார். அதில், ‘சார்பட்டா பரம்பரை 2 எப்போது தொடங்கும்?’ என்ற கேள்விக்கு, “ஏப்ரல் மாதம் தொடங்குகிறோம்” என்றார்.
இரண்டாவது சீசன் குறித்த கேள்விக்கு ஆர்யா, “அதை திணிக்கக் கூடாது. முதல் பாகம் நல்ல வரவேற்பை பெற்றால் இரண்டாம் பாகத்திற்கு பெரும் எதிர்பார்ப்பு இருக்கும். பெரிய வசூல் இருக்கும். அதையெல்லாம் தாண்டி படம் நன்றாக இருந்தால்தான் ஓடும்” என்றார்.
மேலும், விமர்சன சர்ச்சைகள் குறித்து ஆர்யா, “விமர்சனம் செய்யுங்கள், வேண்டாம் என்று சொல்ல முடியாது. விமர்சனங்களை தாண்டி படம் நன்றாக இருந்தால் கண்டிப்பாக ஓடும்” என்றார். அவரது அடுத்த படம், மனு ஆனந்த் இயக்கிய ‘மிஸ்டர் எக்ஸ்’ படம் வெளியாக உள்ளது. இதனை பிரின்ஸ் பிக்சர்ஸ் நிறுவனம் தயாரிக்கிறது.
