சூப்பர் ஸ்டார் ரஜினிகாந்த் நடித்த வேட்டையன் திரைப்படத்தில் பகத் பாசில் ஒரு முக்கிய கேரக்டரில் நடித்திருந்த நிலையில், அவர் மீண்டும் ரஜினிகாந்த் நடிக்கும் அடுத்த படத்திலும் இணைந்துள்ளதாக தகவல் வெளியாகியுள்ளது.
மலையாளத் திரை உலகின் முன்னணி நடிகர்களில் ஒருவரான பகத் பாசில், தமிழிலும் பல படங்களில் நடித்து வருகிறார். சிவகார்த்திகேயன் நடித்த வேலைக்காரன் படத்தில் அவர் அசத்தலாக நடித்ததை தொடர்ந்து, கமல்ஹாசன் உடன் விக்ரம், ரஜினியுடன் வேட்டையன் உள்பட பல படங்களில் அவர் நடித்துள்ளார்.
இந்நிலையில், தற்போது நெல்சன் இயக்கத்தில், ரஜினிகாந்த் நடிக்கும் ஜெயிலர் படத்தின் இரண்டாம் பாகத்திலும் பகத் பாசில் இணைந்துள்ளதாக தகவல் வெளியாகியுள்ளது.
இந்த படத்தில் அவர் சிறப்பு தோற்றத்தில் நடிக்கிறாரா அல்லது முக்கிய கேரக்டரில் நடிக்கிறாரா என்பது பற்றி தெளிவாக தகவல்கள் வெளியிடப்படவில்லை. எனினும், மீண்டும் வேட்டையன் கூட்டணி இணைந்துள்ளதை ரசிகர்கள் உற்சாகத்துடன் எதிர்பார்க்கின்றனர்.
சன் பிக்சர்ஸ் நிறுவனத்தின் தயாரிப்பில், அனிருத் இசையில் உருவாகும் இந்த படம் பெரும் எதிர்பார்ப்பை ஏற்படுத்தியுள்ளது.
