பிக்பாஸ் நிகழ்ச்சியில் சர்ச்சைகளுக்கு பஞ்சமில்லை. இந்த சீசனில் போட்டியாளர்கள் செய்யும் சில விஷயங்கள் சமூக வலைதளங்களில் பேசப்படுகிறது. தற்போது பிக் பாஸ் ஹிந்தியின் 18வது சீசன் கடந்த வாரம் தொடங்கி விறுவிறுப்பாக நடந்து வருகிறது. இந்த நிலையில் பிக் பாஸ் சர்ச்சையில் சிக்கியுள்ளது.
பிக்பாஸ் 18ல் 18 போட்டியாளர்கள் பங்கேற்கின்றனர்.இவர்களுடன் பிக்பாஸ் வீட்டிற்குள் கழுதையும் நுழைந்தது தற்போது சர்ச்சையாகியுள்ளது. வழக்கறிஞர் குணரத்னா பிக்பாஸ் போட்டியாளராக மாறியுள்ள நிலையில், அவரது செல்ல கழுதையும் பிக்பாஸ் வீட்டில் உள்ளது.
இந்த விவகாரத்தில், பொழுதுபோக்கிற்காக விலங்குகளை அடைத்து வைப்பதற்கு பீட்டா அமைப்பு எதிர்ப்பு தெரிவித்துள்ளது. ஜல்லிக்கட்டுக்கு தடை விதித்ததற்கு பீட்டா அமைப்புதான் காரணம் என்பது குறிப்பிடத்தக்கது. கழுதையை தங்களிடம் ஒப்படைக்கும்படியும் கேட்டுள்ளது.
