சென்னை: இயக்குநர் மாரி செல்வராஜ் இயக்கத்தில் வெளியான பைசன் திரைப்படம் சமூக ரீதியாக ஆழமான செய்தியைக் கூறும் வகையில் அமைந்துள்ளது. இந்த படத்தில் நடந்த உண்மை சம்பவங்களை ஒரு கபடி வீரனின் பார்வையில் சொல்லியுள்ள மாரி செல்வராஜ், சமூக பிரச்சனைகளையும் சாதி மோதல்களையும் உணர்ச்சிகரமாக பதிவு செய்துள்ளார். பசுபதி பாண்டியனும் வெங்கடேச பண்ணையாரும் இடையிலான தகராறு எவ்வாறு பெரும் சமூக பிரச்சனையாக மாறுகிறது என்பதே படத்தின் மையம்.
அமீர் மற்றும் லால் நடித்துள்ள முக்கிய கதாபாத்திரங்கள் மிகவும் இயல்பாக வெளிப்பட்டுள்ளன. அமீர் நடித்த பாண்டியராஜ் கதாபாத்திரம் கோபம், சோகம், வெறுப்பு என பல உணர்வுகளை தாங்கி வருகிறது. அதேபோல் லால் நடித்த பண்ணையார் பாத்திரம் மிகுந்த நம்பகத்தன்மையுடன் காட்சியளிக்கிறார். இயக்குநர் பாரதிராஜா பாணியில் மேக்கப் குறைவாக இயற்கையாக கதாபாத்திரங்களை வடிவமைத்துள்ளார்.
படத்தில் துருவ் விக்ரம், பசுபதி, அனுபமா பரமேஸ்வரன் உள்ளிட்டோர் சிறப்பான நடிப்பை வெளிப்படுத்தியுள்ளனர். குறிப்பாக துருவ், தனது கதாபாத்திரத்துக்காக பெரும் உழைப்பை வெளிப்படுத்தி புதிய நிலையை அடைந்துள்ளார். ஒளிப்பதிவு, இசை, மற்றும் பின்னணி இசை ஆகியவை கதை சொல்லலுக்கு வலுவூட்டுகின்றன.
மொத்தத்தில், பைசன் படம் எந்த சமூகத்தையும் குறைசொல்லாது, ஆனால் ஒட்டுமொத்த சமூகத்தின் நியாய உணர்வை கேள்விக்கிடமாக்கும் ஒரு வலிமையான முயற்சியாக அமைந்துள்ளது. “தமிழ் சமூகத்துக்குப் படிக்க வேண்டிய பாடம் இது” என சாட்டை துரைமுருகன் பாராட்டியுள்ளார்.
