சென்னை: விஐ குளோபல் நெட்வொர்க்ஸ் நிறுவனம் தயாரிக்கும் படத்திற்கு ‘போகி’ எனப் பெயரிடப்பட்டுள்ளது. இப்படத்தில் நபி நந்தி, சரத், லப்பர் பந்து படத்தில் நடித்த சுவாசிகா, பூனம் கவூர், வேலராமமூர்த்தி, சங்கிலி முருகன், மொட்டை ராஜேந்திரன், எம்.எஸ்.பாஸ்கர், முரு ஸ்டார் மற்றும் பலர் நடித்துள்ளனர்.
ஒளிப்பதிவு – ராஜா சி.சேகர். இசை – மரியா மனோகர். பாடல்கள் – சினேகன். வசனங்கள் – எஸ்.டி. சுரேஷ்குமார். எடிட்டிங் – சுரேஷ் அர்ஸ். எழுதி இயக்கியவர் – எஸ்.விஜயசேகரன். படம் பற்றி இயக்குனர் விஜயசேகரன் கூறுகையில், “நான் ஒரு உண்மைக் கதையை அடிப்படையாகக் கொண்டு இந்தப் படத்தை உருவாக்கியுள்ளேன். நூற்றுக்கணக்கான குடும்பங்கள் சுமார் 6000 அடி உயரத்தில் தொழில்நுட்ப வளர்ச்சி இல்லாத ஒரு மலை கிராமத்தில் வாழ்கின்றன.
ஹீரோ அழகர் தனது தங்கை கவிதாவைப் படிக்க வைக்கிறார். மலை கிராமமே அவளை மாநிலத்தில் முதல் மதிப்பெண் பெற்று மருத்துவக் கல்லூரிக்குச் செல்ல வேண்டும் என்ற ஒரு பெரிய கனவுடன் ஒரு பயணத்திற்கு அனுப்புகிறது. கவிதா மருத்துவம் படித்து கிராம மக்களுக்கு சேவை செய்தபோது என்ன நடந்தது என்பதுதான் இந்தப் படத்தின் திரைக்கதை,” என்று அவர் கூறினார்.
ஆகஸ்ட் 1-ம் தேதி திரையரங்குகளில் வெளியாகும் இந்தப் படத்தை, பிஜிபி எண்டர்பிரைசஸ், பி.ஜி. பிச்சைமணி ஆகியோர் இந்தியா முழுவதும் வெளியிடுகிறார்கள்.
