‘போலா சங்கர்’ படத்தின் தோல்விக்குப் பிறகு சிரஞ்சீவி தனது அடுத்த படங்களின் தேர்வில் தீவிர கவனம் செலுத்தி வருகிறார். தற்போது ‘விஸ்வாம்பரா’ படத்தில் நடித்து வருகிறார். இதனை யுவி கிரியேஷன்ஸ் நிறுவனம் தயாரிக்கிறது. இந்தப் படத்துக்குப் பிறகு அவர் இன்னும் தனது அடுத்த படத்தைத் தேர்வு செய்யவில்லை.
தற்போது ‘விஸ்வாம்பரா’ படத்திற்கு பிறகு அனில் ரவிபுடி இயக்கத்தில் நடிக்க முடிவு செய்துள்ளார். இவர் இயக்கிய அனைத்து படங்களும் வெற்றி பெறுவது மட்டுமின்றி அனைத்து தரப்பு மக்களையும் கவரும் என்பது குறிப்பிடத்தக்கது. அனில் ரவிபுடி படத்தை முடித்த சிரஞ்சீவி, ஸ்ரீகாந்த் ஓடிலா இயக்கத்தில் நடிக்க முடிவு செய்துள்ளார்.
‘தசரா’ படத்தின் வெற்றிக்குப் பிறகு ஸ்ரீகாந்த் ஓடிலா மீண்டும் நானி நடிக்கும் ‘தி பாரடைஸ்’ படத்தை இயக்கவுள்ளார். அந்த படத்தை முடித்த பிறகு சிரஞ்சீவி நடிக்கும் படத்தை இயக்கவுள்ளார். ஸ்ரீகாந்த் ஓடிலா சீரஞ்சீவியின் தீவிர ரசிகர். இதை பல மேடைகளில் வெளிப்படுத்தியுள்ளார். இவர் சீரஞ்சீவியை இயக்குவது பலருக்கும் மகிழ்ச்சி.
