ஜானி மாஸ்டர் தமிழ், தெலுங்கு, ஹிந்தி ஆகிய மொழிகளில் பல படங்களுக்கு நடனம் அமைத்துள்ளார். தமிழில் அரபிக்குத்து, ரஞ்சிதமே, காவாலா உள்ளிட்ட பல ஹிட் பாடல்களுக்கு நடனம் அமைத்துள்ளார். கடந்த 5 ஆண்டுகளாக ஜானி மாஸ்டர் தனக்கு பலமுறை பாலியல் தொல்லை கொடுத்ததாக அவரது குழுவில் இருந்த 21 வயது பெண் நடனக் கலைஞர் ஹைதராபாத் போலீசில் புகார் அளித்துள்ளார்.
வழக்கு பதிவு செய்த போலீசார் ஜானி மாஸ்டரை போக்சோ சட்டத்தின் கீழ் கைது செய்தனர். பின்னர் அவர் ஜாமீனில் விடுவிக்கப்பட்டார். இது தொடர்பாக வழக்கு நடந்து வருகிறது. இந்நிலையில் அவர் மீது சைபராபாத் போலீசார் நீதிமன்றத்தில் குற்றப்பத்திரிக்கை தாக்கல் செய்துள்ளனர்.
தனுஷ் நடித்த ‘திருச்சிற்றம்பலம்’ படத்தில் ‘மேகம் கருக்காதா’ பாடலுக்கு சதீஷ் கிருஷ்ணனுடன் இணைந்து ஜானி மாஸ்டர் நடனம் அமைத்திருந்தார். இதற்கான நடனம் தேசிய விருதாக அறிவிக்கப்பட்டது. போக்சோ சட்டத்தில் கைது செய்யப்பட்டதால் ஜானி மாஸ்டரின் விருது நிறுத்தப்பட்டது குறிப்பிடத்தக்கது.
