பிரபல தொலைக்காட்சி நிகழ்ச்சி தொகுப்பாளினி டிடி ஒரு பேட்டியில், தன்னை மனதளவில் காயப்படுத்திய நடிகை நயன்தாரா அல்ல என்றும், அந்த செய்தியைப் பரப்பியதற்கு ஆதாரம் இல்லை என்றும் கூறியுள்ளார். இந்த நேர்காணல் இணையத்தில் மீண்டும் பரபரப்பை ஏற்படுத்த, இதுவரை நயன்தாரா தான் டிடியை இழிவுபடுத்தியவர் என நினைத்த ரசிகர்கள், உண்மை யாரென்பதை இப்போது அறிந்து அதிர்ச்சியடைந்துள்ளனர்.
பல்வேறு திரையுலக பிரபலங்களை நேர்காணல் எடுத்த டிடி, ஒரு நிகழ்ச்சியில் ஒரு நடிகையுடன் ஒரே மாதிரியான உடையுடன் வந்திருந்தார். அப்போது அந்த நடிகை, “இருவரும் ஒரே மாதிரி உடையில் இருக்கிறோமே, நீங்க வேற ஒன்னு போட்டுக்குங்க” என முறையாக கூறியதாக டிடி பகிர்ந்தார். அதில், உடனே மாற்றும் வசதி இல்லாத டிடி நிகழ்ச்சியை தொடர வேண்டிய சூழலில் சிக்கினார். இந்த சம்பவம் அவரை மனதளவில் பாதித்தது எனவும் கூறினார்.
இந்த தகவல் வெளியானதும் சமூக வலைதளங்களில் பலரும் நயன்தாரா தான் அந்த நடிகை என உறுதிபடுத்தி விமர்சித்தனர். ஆனால் சமீபத்தில் நடைபெற்ற நிகழ்ச்சியில் டிடி நேரடியாக, “அந்த நடிகை நயன்தாரா இல்லை” என கூறியுள்ளார். இதனால், உண்மையான காரணம் வேறு நடிகையிடம் இருக்கிறது என்பதும் தெளிவாகியுள்ளது.
இதனால் நயன்தாரா மீதான தவறான விமர்சனங்கள் மாறியுள்ளன. அதே நேரத்தில், “அந்த ஆறு எழுத்து நடிகை தான் டிடியை அவமானப்படுத்தினார்” என ரசிகர்கள் தெரிவிக்கின்றனர். “அவர் செய்கை வில்லியாகவே தெரிகிறது. பார்ப்பதற்கு நன்றாக இருந்தாலும், நடந்துகொள்ளும் விதம் கடினமாக இருக்கிறது” என சாடியுள்ளனர்.
டிடிக்கு ஆதரவாக நிற்கும் ரசிகர்கள், “அந்த நடிகையை நினைத்து டிடி ஃபீல் பண்ணவேண்டாம். அவருக்கு இது வழக்கமான செயல்” என தெரிவித்து வருகின்றனர். சமீபத்தில் நடந்த ஒரு விழாவில் கூட அவர் கபடமாக நடந்துகொண்டதாக கூறப்படுகிறது. டிடிக்கு முழுமையான ஆதரவும், நல்லதை நினைத்துக் வாழ வாழ்த்துகளும் வலைதளங்களில் பரவிவருகின்றன.
