அஜீத் குமாரின் ‘விடாமுயற்சி’ படம் பொங்கலுக்கு வெளியாகும் என அறிவிக்கப்பட்டிருந்தது. இதனால் மீடியம் மற்றும் ஸ்மால் பட்ஜெட் படங்கள் ரிலீஸ் தள்ளிப்போனது. இந்நிலையில் ‘விடாமுயற்சி’ படத்தின் வெளியீடு தள்ளிப்போனதால் பொங்கலுக்கு பல்வேறு படங்கள் வெளியாகும் என அறிவிக்கப்பட்டுள்ளது.
அதன்படி, பெரிய பட்ஜெட் படங்களில் ஷங்கரின் ‘கேம் சேஞ்சர்’ வரும் 10-ம் தேதி வெளியாகிறது. அதே நாளில் பாலாவின் ‘வணங்கான்’ மற்றும் ஷேன் நிகமின் ‘மெட்ராஸ்காரன்’ ஆகிய படங்களும் வெளியாகின்றன. கடந்த சில வருடங்களாக வெளியாகாமல் இருந்த கௌதம் வாசுதேவ் மேனனின் ‘துருவ நட்சத்திரம்’ திரைப்படம் வரும் 11-ம் தேதி வெளியாகும் என அறிவிக்கப்பட்டுள்ளது.
அதேபோல் 2012-ம் ஆண்டு உருவான ‘மதகஜராஜா’ படம் வரும் 12-ம் தேதி வெளியாகிறது. ஆகாஷ் முரளி, அதிதி ஷங்கர் நடித்துள்ள ‘காதலிக்க நேரமில்லை’, ‘நேசிப்பாயா’, கிஷன் தாஸ் நடித்துள்ள ‘தருணம்’ ஆகிய படங்கள் ஜனவரி 14-ம் தேதி வெளியாகும் என அறிவிக்கப்பட்டுள்ளது.
