தனுஷ் நடித்துள்ள ராயன் திரைப்படம் வரும் 26ஆம் தேதி வெளியாக உள்ள நிலையில், இந்தப் படத்தின் இசை வெளியீட்டு விழா பிரம்மாண்டமாக நடைபெற்றதாக சமீபத்தில் தகவல் வெளியானது. இந்நிலையில் இந்த படத்தின் ட்ரைலர் வெளியீட்டு தேதியை சன் பிக்சர்ஸ் தனது சமூக வலைத்தளத்தில் அறிவித்தது.
தனுஷின் ஐம்பதாவது படமான ராயன் தானே இயக்கியுள்ளதாகவும், படத்தின் படப்பிடிப்பு மற்றும் தொழில்நுட்ப பணிகள் முடிவடைந்து ஜூலை 26-ம் தேதி ரிலீஸுக்கு தயாராக இருப்பதாகவும் தகவல் வெளியாகியுள்ளது.
இந்நிலையில் இந்த வாரத்திற்குள் இந்த படத்தின் ட்ரைலர் வெளியாகும் என சன் பிக்சர்ஸ் நிறுவனம் தனது சமூக வலைத்தளத்தில் ராயன் படத்தின் ட்ரைலர் ஜூலை 16ஆம் தேதி வெளியாகும் என அறிவித்துள்ளது. மேலும் ட்ரைலர் வெளியீடு குறித்த செய்தியுடன் கூடிய போஸ்டர் ஒன்றும் வெளியாகியுள்ள நிலையில் இந்த போஸ்டர் தற்போது இணையத்தில் வைரலாகி வருவது குறிப்பிடத்தக்கது.
தனுஷ், எஸ்.ஜே.சூர்யா, காளிதாஸ் ஜெயராம், சந்தீப் கிஷன், துஷாரா விஜயன், அபர்ணா பாலமுரளி, வரலக்ஷ்மி சரத்குமார் ஆகியோர் முக்கிய வேடங்களில் நடித்துள்ளனர். ஓம் பிரகாஷ் ஒளிப்பதிவில், பிரசன்னா ஜிகே படத்தொகுப்பில் இந்த படம் உருவாகியுள்ளது. சன் பிக்சர்ஸ் நிறுவனம் தயாரிக்கும் இந்த படம் தனுஷின் 50வது படம் என்பது குறிப்பிடத்தக்கது.
