வெங்கட் பிரபு இயக்கத்தில் விஜய் நடிப்பில் வெளியாகியுள்ள படம் ‘தி கோட்’. ஏஜிஸ் நிறுவனம் தயாரித்துள்ள இப்படம் உலகம் முழுவதும் ரூ.300 கோடி வசூல் செய்து சாதனை படைத்துள்ளது.
தமிழில் ரோமியோ பிக்சர்ஸ் வெளியிட்டது. கலவையான விமர்சனங்கள் இருந்தாலும் தமிழில் வசூல் குறையவில்லை. ஆனால், ஹிந்தி மற்றும் தெலுங்கில் எதிர்பார்த்த வரவேற்பை பெறவில்லை.
குறிப்பாக தெலுங்கில் வெளியான ‘தி கோட்’ திரைப்படம் கடும் விமர்சனத்தைப் பெற்றது. இதற்கு இயக்குநர் வெங்கட் பிரபு எக்ஸ் தளத்தில் ஆடியோ உரையாடலில் பதிலளித்துள்ளார்.
அதில், “தி கோட் படத்தில் சிஎஸ்கே டீமின் காட்சிகளால் இந்தி மற்றும் தெலுங்கில் படம் சரியாக போகவில்லை என்று நினைக்கிறேன். நான் சிஎஸ்கே ரசிகன், பெங்களூரு மற்றும் மும்பை ரசிகர்கள் என்னை கிண்டல் செய்வார்கள்.
சிஎஸ்கே ஆதரவாளராக இருப்பது என் ரத்தத்தில் உள்ளது. இதில் ஒன்றும் செய்ய முடியாது” என்றார் இயக்குனர் வெங்கட் பிரபு.
