லைகா புரொடக்ஷன்ஸ் தயாரிப்பில், ஷங்கர் இயக்கத்தில், கமல்ஹாசன் மற்றும் பல முன்னணி நடிகர்கள் நடித்து, அனிருத் இசையமைத்த திரைப்படம் ‘இந்தியன் 2’. இப்படம் நேற்று உலகம் முழுவதும் 5000க்கும் மேற்பட்ட திரையரங்குகளில் வெளியானது.
ஆனால், படம் வெளியானதில் இருந்து கலவையான விமர்சனங்களைப் பெற்றுள்ளது. முதல் பாகத்தை ஹிட் ஆக்கிய வசனங்களும், திரைக்கதை ஒப்பனையும், நடிப்பும் இரண்டாம் பாகத்தில் ரசிகர்களை கவரவில்லை.
ஆனால், இப்படத்தின் மீதான எதிர்பார்ப்பு அதிகமாக இருப்பதால் தமிழகத்தில் மட்டும் இப்படம் முதல் நாளில் 28 கோடி ரூபாய் வசூலித்துள்ளதாக கூறப்படுகிறது. ஆனால் எதிர்மறை விமர்சனங்களால் இந்த வசூல் தொடருமா என்ற கேள்வியும் எழுந்துள்ளது.
