கேமியோ ரோலில் அஜித்? எந்த படத்தில் தெரியுங்களா? இது நடக்குமா?

சென்னை: கோட் படத்தில் கேமியோ ரோலில் நடிக்கிறாரா அஜித் என்ற கேள்வி பிரபல நடிகரின் டுவிட்டால் பரபரப்புடன் பேசப்பட்டு வருகிறது.

நடப்பாண்டில் அதிக எதிர்பார்ப்பில் இருக்கக்கூடிய திரைப்படங்களில் ஒன்று கோட். இப்படத்தை வெங்கட் பிரபு இயக்கியுள்ளார். ஏ.ஜி.எஸ். நிறுவனத்தினர் தயாரித்துள்ளனர்.

விஜய் இப்படத்தில் மூன்று வேடங்களில் நடித்துள்ளார் என சொல்லப்படுகிறது. மேலும் இப்படத்திற்காக கிராபிக்ஸ் வேலைகள் நடந்துள்ளன. இப்படத்தில் விஜய்யுடன் இணைந்து பிரபு தேவா, பிரஷாந்த், மோகன், சினேகா, லைலா, மீனாட்சி உள்ளிட்ட பலரும் நடித்துள்ளார்கள்.

சமீபத்தில் தான் இப்படத்தின் இரண்டாவது பாடல் வெளிவந்து நல்ல வரவேற்பை பெற்றது. இந்நிலையில், நடிகர் அஜித்தை சமீபத்தில் அசர்பைஜானில் இயக்குனர் வெங்கட் பிரபு சந்தித்துள்ளார். அந்த புகைப்படத்தையும் தனது சமூகவலைத்தளத்தில் பதிவு செய்திருந்தார்.

இதனை ரீ டுவிட் செய்த கோட் பட நடிகர் வைபவ் சில எமோஜிகளை அதில் பதிவு செய்துள்ளார். இதில் சைலன்ட் எமோஜி ஒன்றை பதிவு செய்திருந்ததை பார்த்த நெட்டிசன்கள் பலரும், கோட் படத்தில் அஜித் நடிக்கிறாரா என கேள்வி எழுப்பி வருகிறார்கள். இந்த விஷயம் தற்போது இணையத்தில் வைரலாகி வருகிறது.