ஹைதராபாத்: அல்லு அர்ஜுன் நடிப்பில் சுகுமார் இயக்கத்தில் 2021-ம் ஆண்டு வெளியான படம் ‘புஷ்பா 1’. இந்த படத்தின் இரண்டாம் பாகம் வியாழக்கிழமை வெளியானது. ராஷ்மிகா மந்தனா, ஃபஹத் பாசில் மற்றும் பலர் முக்கிய வேடங்களில் நடித்துள்ளனர்.
இந்த படத்திற்கு தேவி ஸ்ரீ பிரசாத் இசையமைத்துள்ளார். சாம்.சி.எஸ். பின்னணி இசை அமைத்துள்ளார். இப்படத்தை மைத்ரி மூவி மேக்கர்ஸ் நிறுவனம் தயாரித்துள்ளது. இப்படம் முதல் நாளில் ரூ.294 கோடி வசூலித்ததாக அறிவிக்கப்பட்டது.
இப்படம் இந்தியில் நல்ல வரவேற்பை பெற்று வருகிறது. இந்நிலையில் படம் வெளியான 3 நாட்களில் ரூ.621 கோடி வசூலித்துள்ளதாக படக்குழு அதிகாரப்பூர்வமாக அறிவித்துள்ளது. இந்தி பதிப்பு மட்டும் ரூ.200 கோடியை தாண்டியுள்ளது. விரைவில் ரூ.1000 கோடி வசூல் செய்யும் என எதிர்பார்க்கப்படுகிறது.
