நடிகரும் இயக்குனருமான பிருத்விராஜ் சுகுமாரன் இயக்கத்தில், முரளி கோபியின் திரைக்கதையில், லைகா புரொடக்ஷன்ஸ், ஆசீர்வாத் சினிமாஸ் மற்றும் ஸ்ரீ கோகுலம் மூவிஸ் ஆகியவற்றின் கீழ் சுபாஸ்கரன், ஆண்டனி பெரும்பாவூர் மற்றும் கோகுலம் கோபாலன் ஆகியோர் தயாரித்துள்ள இந்த படம் ஒரு பிரமாண்ட ஆக்ஷன் படமாகும். முன்னணி நட்சத்திரங்களான பிருத்விராஜ் சுகுமாரன் மற்றும் டோவினோ தாமஸ் ஆகியோருடன் மோகன்லால் முக்கிய வேடத்தில் நடிக்கிறார்.
மேலும் “கேம் ஆஃப் த்ரோன்ஸ்” புகழ் ஜெரோம் பிளின் “எம்புரான்” படத்தின் மூலம் இந்திய சினிமாவில் அறிமுகமானார். இப்படத்தில் அம்பிமன்யு சிங், ஆண்ட்ரியா திவேடர், சுராஜ் வெஞ்சரமூடு, இந்திரஜித் சுகுமாரன், மஞ்சு வாரியர், சானியா அய்யப்பன், சாய்குமார், பைஜு சந்தோஷ், பாசில், சச்சின் கெடகரே, நைலா உஷா, ஜிஜு ஜான், நந்து, சிவாஜி குருவாயூர், ஓ.சி.என். மேனக்ஸ், ஓ. எரிக் எபுனே, மிகைல் நோவிகோவ், கார்த்திகேயா தேவ். கேரளாவின் அரசியல் அரங்கில் இருந்து ஸ்டீபன் நெடும்பள்ளி திடீரென வெளியேறியதைத் தொடர்ந்து ஏற்படும் குழப்பங்கள் மற்றும் அதிகாரப் போட்டிகளுக்கு மத்தியில், அவர் எப்படி உலகின் மிகவும் விரும்பப்பட்ட குரேஷி ஆபிரகாமாக உருவெடுத்தார் என்பதை படம் ஆராய்கிறது.
லூசிபரின் நிகழ்வுகளுக்கு ஐந்து ஆண்டுகளுக்குப் பிறகு, கடவுளின் சொந்த நாட்டில் ஒரு புதிய அரசியல் சக்தி உருவாகிறது, அதே நேரத்தில் மக்கள் நீண்ட காலமாக இழந்த தலைவரின் வருகைக்காக காத்திருக்கிறார்கள். ஆனால் ஸ்டீபன் இப்போது எங்கே? அவர் தனது தாயகத்தை காப்பாற்ற திரும்புவாரா? குரேஷி ஆபிரகாம் உண்மையில் யார்? இந்தக் கேள்விகளுக்கான விடைதான் இந்தப் படம்.
பரபரப்பான காட்சிகள், அட்டகாசமான ஆக்ஷன், கண்ணைக் கவரும் காட்சிகள் என இந்தப் படம் பார்வையாளர்களை இருக்கையின் நுனியில் வைத்திருக்கும் ஆக்ஷன் த்ரில்லராக புதிய அனுபவத்தை அளிக்கிறது. ஒளிப்பதிவாளர் சுஜித் வாசுதேவ், எடிட்டர் அகிலேஷ் மோகன், இசையமைப்பாளர் தீபக் தேவ் என முன்னணி தொழில்நுட்ப கலைஞர்கள் இப்படத்தில் பணியாற்றியுள்ளனர். மலையாளம், தமிழ், தெலுங்கு மற்றும் கன்னடம் ஆகிய நான்கு மொழிகளில், எம்புரான் திரைப்படம் ஏப்ரல் 24 அன்று ஜியோஹாட்ஸ்டாரில் ஒளிபரப்பாகிறது. இந்த பிரம்மாண்டமான சினிமா அனுபவத்தைத் தவறவிடாதீர்கள்.
