தமிழ் சினிமாவில் காமெடி நடிகர்கள் ஹீரோவாக நடிப்பது அவ்வப்போது நடக்கிறது. இதில் குறிப்பிடத்தக்க வெற்றியை பெற்றுள்ளார் நடிகர் சூரி. இவர் நடிப்பில் உருவாகி இருக்கும் கொட்டுக்காளி படம் விரைவில் வெளியாகவுள்ள நிலையில், தான் நடித்த சிறந்த படம் எது என்பதை தெரிவித்துள்ளார்.இதுகுறித்த கூடுதல் தகவல்களை இப்போது பார்க்கலாம். தமிழ் சினிமாவில் காமெடியனாக இருந்து ஹீரோவாக மாறிய நடிகர்களில் சூரியும் ஒருவர் விடுதலை படத்தின் மூலம் ஹீரோவாக அறிமுகமாகி ரசிகர்களிடம் பெரும் வரவேற்பை பெற்று வெற்றி படமாக அமைந்தது.
அதன் பிறகு கருடன் படமும் நல்ல வசூலை குவித்து வெற்றி பெற்றது. இப்படத்தில் நடித்ததன் மூலம் சூரிக்கு இப்போது நகைச்சுவை வாய்ப்புகளை விட ஹீரோ வாய்ப்புகள் அதிகம் என்று கோலிவுட் வட்டாரங்கள் தெரிவிக்கின்றன. தற்போது சூரியின் கொட்டுக்காளி படம் திரைக்கு வர உள்ளது.
ஹீரோவாக இரண்டு வெற்றிப் படங்களைத் தொடர்ந்து சூரி ஹாட்ரிக் ஹிட் கொடுப்பார் என ரசிகர்கள் எதிர்பார்க்கின்றனர். பி.எஸ்.வினோத்ராஜ் இயக்கத்தில் நடிகர் சிவகார்த்திகேயனின் எஸ்.கே புரொடக்ஷன்ஸ் தயாரிக்கும் படம் கொட்டுக்காளி. இவர் ஏற்கனவே கூழாங்கல் படத்தை இயக்கியவர்.
இப்படம் நேரடி OTT ரிலீசாக வெளியாகி ரசிகர்களை கவர்ந்தது மட்டுமின்றி பல விருதுகளையும் வென்றது. அதேபோல், கொட்டுக்காளி படமும் வெளியாவதற்கு முன்பே சில சர்வதேச திரைப்பட விழாக்களில் திரையிடப்பட்டு விமர்சன ரீதியான பாராட்டைப் பெற்றது. இதனால் படத்திற்கு அதிக எதிர்பார்ப்பு ஏற்பட்டுள்ளது.
இந்நிலையில் நடிகர் சூரி தான் இதுவரை எடுத்த படங்களில் சிறந்த படம் எது என்ற தகவலை வெளியிட்டுள்ளார். “நான் நகைச்சுவை நடிகராக இருந்து ஹீரோவாக மாறுவதற்கு ரசிகர்கள்தான் முக்கிய காரணம். ஒரு நடிகனாக எனக்கு கொட்டுக்காளி திரைப்படம் சிறந்த கதைக்களம். அப்படிப்பட்ட கதைக்களத்தில் நடிக்க ஆசைப்பட்டேன். கொட்டுக்காளி என் ஆசை நிறைவேறிவிட்டது. இப்படம் அனைத்து ரசிகர்களுக்கும் நிச்சயம் புதிய அனுபவத்தை தரும்” என்றார் சூரி
