தமிழ் சினிமாவின் பன்முக திறமையாளர் தனுஷ், எப்போதுமே தன்னம்பிக்கையுடன் தனது படங்களை வெளியிடும் நாயகனாக அறியப்படுகிறார். அவர் இயக்கியும் நடித்தும் உருவான இட்லி கடை திரைப்படம் சமீபத்தில் காந்தாரா 1 என்ற பான் இந்திய மாபெரும் படத்துடன் ரிலீஸாகி சிறப்பான வரவேற்பைப் பெற்றுள்ளது. பலர் இதனால் படத்தின் வசூல் பாதிக்கப்படும் என நினைத்தபோதிலும், தனுஷ் தனது படைப்பின் மீது கொண்ட நம்பிக்கையால் வெற்றியை கைப்பற்றியுள்ளார். இது மட்டும் அல்லாமல், அவர் முன்னதாகவும் பல முறை பெரிய படங்களுடன் நேரடியாக மோதியுள்ளார்.
2015 ஆம் ஆண்டு வெளியான பாகுபலி திரைப்படம் இந்திய திரையுலகை அதிரவைத்தபோது, அதே சமயம் தனுஷின் மாரி திரைப்படமும் வெளியானது. பாகுபலி அலையில் சிக்காமல் மாரி தனக்கென ஒரு ரசிகர் வட்டத்தை உருவாக்கியது. தொடர்ந்து, 2018 ஆம் ஆண்டு வெளியான KGF திரைப்படத்தின் முதல் பாகத்துடன் மாரி 2 மோதியது. ஆனால் அப்போது கலவையான விமர்சனங்களை சந்தித்தாலும், தனுஷின் நடிப்பு ரசிகர்களை கவர்ந்தது.
அதேபோல், மணிரத்னம் இயக்கிய பொன்னியின் செல்வன் படத்தின் முதல் பாகம் 2022 இல் வெளியாகியபோது, அதே நேரத்தில் தனுஷ் டபுள் ரோலில் நடித்த நானே வருவேன் திரைப்படமும் வெளியானது. மிகப்பெரிய படத்துடன் மோதியபோதிலும், அந்தப் படம் பலரின் மனதில் இடம்பிடித்தது. ரசிகர்கள், “நானே வருவேன் சோலோவாக வெளியானிருந்தால் இன்னும் பெரிய ஹிட்டாகியிருக்கும்” என கருத்து தெரிவித்தனர்.
இப்போது இட்லி கடை திரைப்படம் காந்தாரா 1 உடன் மோதியும் வெற்றி கண்டுள்ளது என்பது தனுஷின் தைரியத்தையும், தன்னம்பிக்கையையும் வெளிப்படுத்துகிறது. எந்தப் பெரிய பான் இந்திய படங்களுடனும் மோதத் தயங்காத அவர், ஒவ்வொரு முறைவும் தன் ரசிகர்களுக்கு புதிய அனுபவத்தை தருகிறார். அதனால் தான், “தில்லான தனுஷ்” என்ற பெயர் தமிழ் திரையுலகில் இன்னும் பிரபலமாய் ஒலிக்கிறது.
