இளமைக் கால நினைவுகளைப் போற்றும், பொழுதுபோக்கு சீரிஸான “கனா காணும் காலங்கள்” சீரிஸின், முதல் இரண்டு சீசன்களின் அற்புதமான வெற்றியைத் தொடர்ந்து, இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டார், தற்போது ‘கனா காணும் காலங்கள்’ சீரிஸின் அடுத்த சீசனை அதிகாரப்பூர்வமாக அறிவித்துள்ளது.
முதலில் ஸ்டார் விஜய் தொலைக்காட்சியில் ஒளிபரப்பான “கனா காணும் காலங்கள்”, பள்ளி மாணவர்கள் மற்றும் அவர்களின் பள்ளி வாழ்க்கையை மையமாகக் கொண்டு உருவாக்கப்பட்டது. இது மக்கள் மத்தியில் உடனடி ஈர்ப்பை ஏற்படுத்தி, மிகப்பெரிய வெற்றியை பெற்றது. இளமைக் கால அனுபவங்களை திரையிடும் இந்த சீரிஸானது, முக்கியமாக இளைஞர்கள் மத்தியில் தங்கள் வாழ்வியலைப் பிரதிபலித்ததால் பெருமளவிலான கவனம் பெற்றது.
முதல் சீசனுக்கு அபரிமிதமான வரவேற்பு கிடைத்த பிறகு, அடுத்த சீசனுக்கான பெரும் கோரிக்கைகள் குவிக்கப்பட்டு, டிஸ்னி+ ஹாட்ஸ்டார் கடந்த ஆண்டு ஏப்ரல் 21 அன்று இரண்டாம் சீசனை வெளியிட்டது. இரண்டாம் சீசனுக்கும் நல்ல வரவேற்பு கிடைத்ததையடுத்து, தற்போது மூன்றாவது சீசனையும் டிஸ்னி+ ஹாட்ஸ்டார் அறிவித்துள்ளது.
இந்த மூன்றாவது சீசனும், முதல் மற்றும் இரண்டாம் சீசனின் போலவே, இன்றைய மாணவர்களின் வாழ்க்கையின் அனைத்து பரிமாணங்களையும் – மகிழ்ச்சி, கண்ணீர், அச்சங்கள், ஆச்சரியங்கள், வலிகள் மற்றும் சிலிர்ப்புகள் – படமாகக் காட்டும் வகையில் உருவாகவுள்ளது.
சீரிஸின் மூன்றாவது சீசனில் நடிக்கவுள்ள நடிகர்கள் மற்றும் குழுவினர் குறித்த விவரங்களை, டிஸ்னி+ ஹாட்ஸ்டார் விரைவில் அதிகாரப்பூர்வமாக அறிவிக்கவுள்ளது.
