சூர்யா நடித்த ‘கருப்பு’ திரைப்படத்தின் முதல் சிங்கிள் பாடல் “காட் மோடு” வெளியாகி ரசிகர்களிடையே பெரும் வரவேற்பைப் பெற்றுள்ளது. சாய் அபயங்கர் இசையில் உருவாகியுள்ள இந்த பாடல், வெளியான சில மணி நேரங்களிலேயே சமூக வலைத்தளங்களில் வைரலாகி, தீபாவளி ட்ரீட்டாக மாறியுள்ளது. ரெட்ரோ படத்தைத் தொடர்ந்து, இந்த படத்திலும் சூர்யா காட் மோடிலேயே வரப்போகிறார் என்பதை உறுதியாகக் காட்டுகிறது.
பாடலின் ப்ரோமோ வெளியான தருணத்திலிருந்தே ரசிகர்கள் உற்சாகத்துடன் எதிர்நோக்கிய நிலையில், முழு பாடலைக் கேட்ட பிறகு ரசிகர்கள் லிரிக்ஸ் மற்றும் இசை சமநிலையைக் கண்டு பாராட்டுகின்றனர். சாய் அபயங்கர் இசை அமைப்பில், விஷ்ணு எடவன் எழுதிய வரிகள் ரசிகர்களின் காதுகளில் சரவெடியாக ஒலிக்கின்றன. தீபாவளிக்கு சூர்யா கருப்பசாமியாக ரசிகர்களுக்கு தரிசனம் கொடுத்துள்ளார்.
ஆர்ஜே பாலாஜி இயக்கத்தில் சூர்யா, த்ரிஷா, ஸ்வாசிகா உள்ளிட்டோர் நடித்துள்ள இந்த படம், மார்ச் மாதத்திலிருந்து ரசிகர்களின் கவனத்தை ஈர்த்துக் கொண்டே வருகிறது. டியூட் படத்தின் வெற்றிக்குப் பிறகு, சாய் அபயங்கர் இசையில் இது மேலும் ஒரு ஹிட்டாகும் என எதிர்பார்க்கப்படுகிறது. இதனால் சூர்யா ரசிகர்கள் சமூக வலைத்தளங்களில் “கருப்பு பண்டிகை” என கொண்டாடி வருகின்றனர்.
படத்தின் ஃபர்ஸ்ட் லுக்கிலும், டீசரிலும் போலவே, ரிலீஸ் தேதி அறிவிக்கப்படாத நிலையில் பாடல் மட்டும் வெளியிடப்பட்டிருக்கிறது. ஆனால் அதுவே ரசிகர்களை தீபாவளி கொண்டாட்டத்தில் மூழ்கடித்துள்ளது. சூர்யா நடிப்பில் உருவாகும் இந்த படம் திரையரங்கில் வெளிவந்தவுடன் பாக்ஸ் ஆபீஸில் சர்வ சாதாரண வெற்றியை அல்லாது பெரிய பட்டாசாக வெடிக்கும் என ரசிகர்கள் நம்பிக்கை தெரிவித்து வருகின்றனர்.
