‘குட் பேட் அக்லி‘ படம் அறிவிக்கப்பட்டபோது, அதன் இசையமைப்பாளர் தேவி ஸ்ரீ பிரசாத். பின்னர் தயாரிப்பு நிறுவனத்துடன் ஏற்பட்ட கருத்து வேறுபாட்டால் ‘புஷ்பா 2’ படத்தின் பாடல்களை மட்டும் தேவி ஸ்ரீ பிரசாத் கவனித்துக் கொள்வார் என்ற தகவல் வெளியானது. அதில் ஜி.வி. பிரகாஷ் பின்னணி இசையை முழுமையாக கவனித்துக் கொள்வார்.
தற்போது ‘குட் பேட் அக்லி‘ டீஸர் வெளியிடும் போஸ்டரை படக்குழு வெளியிட்டுள்ளது. அதன்படி படத்திலிருந்து தேவி ஸ்ரீ பிரசாத் முற்றிலும் நீக்கப்பட்டுள்ளார். படக்குழுவினர் இசையமைப்பாளராக ஜி.வி. பிரகாஷின் பெயரை மட்டுமே குறிப்பிட்டுள்ளது. இன்று இரவு 7.03 மணிக்கு டீசர் வெளியாகிறது. இதனை தமிழகம் முழுவதும் உள்ள முக்கிய திரையரங்குகளில் கொண்டாடவுள்ளனர். ஆதி ரவிச்சந்திரன் இயக்கத்தில் உருவாகியுள்ள படம் ‘குட் பேட் அக்லி’. இதில் அஜித், த்ரிஷா, பிரசன்னா, சுனில், அர்ஜுன் தாஸ் மற்றும் பலர் நடித்துள்ளனர். மைத்ரி மூவி மேக்கர்ஸ் தயாரித்துள்ள இப்படம் ஏப்ரல் 10-ம் தேதி வெளியாகிறது.
