தமிழில், மாப்பிள்ளை, ஒரு கல் ஒரு கண்ணா, எங்கேயும் காதல், தீயா வேலை செய்யணும் குமாரு, வேலாயுதம், வாலு உள்ளிட்ட சில படங்களில் ஹன்சிகா மோத்வானி நடித்துள்ளார். அவரது காந்தாரி படம் விரைவில் வெளியாக உள்ளது. தமிழ் மற்றும் தெலுங்கு படங்களில் நடித்துள்ள ஹன்சிகா, 2022-ம் ஆண்டு சோஹைல் கட்டாரியாவை காதலித்து திருமணம் செய்து கொண்டார். அவர்களது திருமணம் ஜெய்ப்பூரில் நடந்தது.
திருமணத்திற்குப் பிறகு, ஹன்சிகா சோஹைலின் வீட்டிற்கு குடிபெயர்ந்தார். கூட்டுக் குடும்பமாக வாழ்வது தொடர்பாக ஹன்சிகாவுக்கும் அவரது கணவருக்கும் கருத்து வேறுபாடுகள் இருந்தன. இதன் காரணமாக, அவர்கள் அதே கட்டிடத்தில் உள்ள வேறொரு வீட்டில் தனித்தனியாக வசித்து வந்தனர்.
இருப்பினும், அவர்களுக்குள் பிரச்சினைகள் இருந்ததாகக் கூறப்படுகிறது. இந்த சூழ்நிலையில், ஹன்சிகாவும் அவரது கணவரும் தனித்தனியாக வசித்து வருவதாகவும், விவாகரத்து பெறப் போவதாகவும் செய்திகள் வெளியாகின.
இருப்பினும், சோஹைல் கட்டாரியா அதை மறுத்து, ‘அந்தச் செய்தியில் எந்த உண்மையும் இல்லை’ என்றார். சோஹைல் கட்டாரியாவின் முன்னாள் மனைவி ரிங்கி பஜாஜ், ஹன்சிகாவின் தோழி என்பது குறிப்பிடத்தக்கது.
